आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

लोक हैराण:ग्राहक : हॅलो आमच्या भागात विज नाही‎ हेल्पलाइन : कर्मचारी नाही, पर्यायच नाही‎

उस्मानाबाद‎एका महिन्यापूर्वी
  • कॉपी लिंक

हॅलो, महावितरण हेल्पलाइन आमच्या‎ भागात वीज बंद पडली तत्काळ चालू‎ करा, अशी विनवणी करणारे दोनशे पेक्षा ‎अधिक कॉल महावितरणच्या‎ हेल्पलाइनवर खणाणले. परंतु, कर्मचारी ‎नाहीत आम्ही काही करू शकत नाही,‎ पर्याय नाही, असे उत्तर सर्वांनाच ऐकावे ‎लागत होते. महावितरणने कर्मचाऱ्यांच्या ‎संपाच्या पार्श्वभूमीवर सुरू केलेली ‎हेल्पलाइन व यंत्रणा पहिल्याच दिवशी‎ निष्प्रभ ठरली. मंगळवारी रात्री बंद‎ पडलेली विज सुरू करण्यासाठी‎ महावितरण ला बुधवारची सायंकाळ ‎ ‎उजाडली.

दरम्यान, संप मिटल्यामुळे ‎शहरासह जिल्ह्यातील नागरिकांनी‎ सुटकेचा श्वास सोडला.‎ खासगी कंपनीला वीज पुरवठ्यासाठी ‎परवाना देऊ नये. यासह विविध‎ मागण्यांसाठी मंगळवारी रात्रीपासून ‎महावितरणच्या कर्मचारी अधिकाऱ्यांनी ‎राज्यस्तरीय संप पुकारला. यात‎ जिल्ह्यातील ९५ टक्के कर्मचारी ‎अधिकाऱ्यांनी सहभागी होत पाठिंबा दिला. ‎परंतु, शहरातील अनेक भागात मंगळवारी ‎रात्री तसेच बुधवारी सकाळी वीज पुरवठा‎ बंद झाला. पुरवठा सुरु करण्यात तांत्रिक ‎ ‎ अडचण निर्माण झाल्याने दुरुस्ती ‎करण्यासाठीही कर्मचारी उपलब्ध नव्हते. ‎

यामुळे महावितरण सांगितलेल्या ‎हेल्पलाइनवर सातत्याने कॉल जात होते. कर्मचारी दिवसभर नागरिकांच्या प्रश्नांची ‎ ‎ उत्तरं देत तांत्रिक कर्मचारी कामावर‎ नसल्याने हतबल झाल्याचे दिसून आले.‎ नागरिक अत्यंत आर्तपणे वीज सुरू‎ करण्याची मागणी करत होते. त्यापेक्षाही‎ अधिक निराशेने हेल्पलाइन वरील वीज‎ ‎‎कर्मचारी हतबलता दाखवत होते. वीज‎ पुरवठा सुरळीत होण्यासाठी शहरातील‎ काही भागात दुपारचे तीन वाजले तर काही‎ ठिकाणी बुधवारची सायंकाळ उजाडली.‎ पहिल्याच दिवशी अशी अवस्था‎ ‎‎झाल्यामुळे शहरातील नागरिक सातत्याने‎ संप मिटावा म्हणून अपेक्षा करत होते.‎

त्यानुसार संप मिटल्यामुळे नागरिकांनी‎ सुटकेचा श्वास सोडला. अधिक्षक‎ अभियंता हे उपकेंद्रात ठाण मांडून होते.‎ जिथे आंदोलन करण्यात आले तेथे‎ मंडपामध्ये जनरेटरव्दारे वीज पुरविण्यात‎ आली. भागात मंगळवारी रात्री वीज बंद‎ पडल्यामुळे आरओ प्लांट बंद पडले.‎ यामुळे पाण्याचे शुद्धीकरण झाले नाही.‎

आंदोलन दृष्टिक्षेपात‎
जिल्ह्यातील सर्व प्रकारचे ९५‎ टक्के कर्मचारी संपामध्ये‎ सहभागी असल्याची नोंद.‎ जिल्ह्यातील ४०० पेक्षा‎ अधिक गावांमध्ये वीज पुरवठा‎ खंडित झाल्याच्या तक्रारी.‎ ८० अभियंता, ८०० लाईनमन,‎ ऑपरेटरसह सर्व लिपिक‎ वर्गीय कर्मचाऱ्यांचा‎ आंदोलनामध्ये सहभाग.‎ महावितरण कर्मचाऱ्यांच्या‎ विविध ३० संघटनांचा‎ आंदोलनामध्ये सक्रिय सहभाग‎ ग्रामीण भागात अनेक‎ कर्मचाऱ्यांनी नागरिकांना‎ खासगीकरणाचे तोटे‎ समजावून सांगितले.‎

महावितरणसह, सरकारी‎ कार्यालयही अंधारात
‎जिल्हाधिकारी, पोलिस अधीक्षक कार्यालयासह‎ न्यायालय परिसरात ही काही काळ वीज बंद‎ होती. जिल्हा परिषद, पंचायत समिती,‎ नगरपालिका, मध्यवर्ती प्रशासकीय इमारत‎ एवढेच नव्हे तर महावितरणच्या जिल्हा‎ कार्यालयातही अंधार निर्माण झाला होता.‎ महावितरणचे कर्मचारी संपामुळे तर अन्य‎ कार्यालयातील कर्मचारी अंधार असल्यामुळे‎ बाहेरच रेंगाळत होते. संगणक प्रणाली बंद‎ असल्यामुळे काम करता येत नव्हते.‎

झेरॉक्स प्रत तब्बल चार‎ रुपयाला,जनरेटवर काम‎
जिल्हा न्यायालयाच्या परिसरात वीज बंद‎ असल्यामुळे अनेक दुकानांमध्ये जनित्रांच्या‎ माध्यमातून काम सुरू ठेवण्यात आले होते.‎ न्यायालयीन कामकाजासाठी झेरॉक्स प्रत‎ आवश्यक असते. यामुळे ती काढण्यासाठी‎ इतर वेळी एक रुपया शुल्क असते. परंतु,‎ बुधवारी यासाठी चार रुपये आकारले जात‎ होते. तसेच संगणकावर टंकलेखन केलेली‎ एक प्रत काढण्यासाठीही अन्य वेळेपेक्षा दुप्पट‎ शुल्क घेतले जात होते.‎

बातम्या आणखी आहेत...