उपोषण:कटारे मिल कामगारांचे‎ चक्री उपोषण सुरु‎

तुळजापूर तालुक्यातील तामलवाडी‎ येथील कटारे स्पिनिंग मिलच्या‎ कामगारांनी सुत मिल समोर बुधवार‎ दि.१ फेब्रुवारी पासून चक्री उपोषण‎ सुरु केले असून २०१९ पासून‎ ग्रॅज्युएटी रक्कम मिळत नसल्यामुळे‎ कामगारांनी आक्रमक पवित्रा घेतला‎ आहे. तामलवाडी पंचक्रोशीत‎ वरदायनी ठरलेल्या कटारे स्पिनिंग‎ मिलची ३५ वर्षापूर्वी सोलापूरच्या‎ कटारे उद्योग समूहाने स्थापना केली‎ होती. सुरुवातीच्या कालावधी मध्ये‎ या कटारे स्पिनींग मिलमध्ये तीन‎ शिप्टमध्ये १५०० कामगार काम करत‎ होते. त्यामुळे या परिसरात आर्थिक‎ उलाढाल मोठ्या प्रमाणावर झाली‎ होती.

मात्र, आर्थिक मंदीचा फटका‎ बसल्यामुळे ही सूतगिरणी बंद‎ करण्यात आली आहे. यामुळे‎ येथील कामगारांवर बेरोजगाराची‎ कुऱ्हाड कोसळली आहे. त्यातच‎ कंपनीच्या व्यवस्थापनाने‎ कामगारांची उपदेयक थकवल्याने‎‎‎‎‎‎‎‎‎‎‎‎ कामगारांमध्ये असंतोषाचे वातावरण‎ निर्माण झाले आहे. ग्रॅज्युएटी रक्कम‎ मिळत नसल्यामुळे कामगारांनी‎ कंपनी मालकाविरुद्ध कामगार‎ न्यायालयात खटला दाखल केला‎ होता. याचा निकाल कामगारांच्या‎ बाजूने लागला असतानाही मालक‎ देयक देत नसल्यामुळे येथील तीनशे‎ कामगारांनी सूत मिलसमोर चक्री‎ उपोषण सुरु केले आहे.‎ यासंदर्भात कटारे स्पिनिंग मिल चे‎ मालक किशोर कटारे यांच्याशी‎ संपर्क साधला असता त्यांनी‎ प्रतिसाद दिला नाही.‎

आंदोलनाचा निर्धार‎
जो पर्यंत आमच्या हक्काची‎ ग्रॅज्युएटी रक्कम मिळत नाही तिथं‎ पर्यंत आमचे चक्री उपोषण सुरुच‎ राहणार आहे. आम्ही सगळे‎ कामगार पाळी-पाळीने बसणार‎ आहोत.‎ शाहिर गायकवाड, कामगार‎ संघटना अध्यक्ष‎