मत:विकसित शहरे, विजेची‎ बचत प्रयोगातून प्रतिभा‎

विद्यार्थ्यांचे विज्ञान आणि‎ पर्यावरणाशी असलेले नाते दृढ‎ व्हावे, यासाठी मुलांना विज्ञान‎ प्रदर्शनाची आवश्यकता आहे.‎ मानवी जीवनात विज्ञान महत्वाचे‎ असून लहान वयातच विज्ञानाची‎ जाण झाली तरच भविष्यात थोर‎ वैज्ञानिक तयार होऊ शकतात, असे‎ मत विज्ञान विभागप्रमुख परमेश्वर‎ भुजबळ यांनी व्यक्त केले.‎ उमरगा शहरात आदर्श‎ विद्यालयात डॉ. सी. व्ही. रमण‎ जयंतीनिमित्त अपूर्व विज्ञान‎ प्रदर्शनाचे आयोजन करण्यात‎ आलेले होते. विज्ञान प्रदर्शनाचे‎ उद्घाटन प्राचार्य सोमशंकर महाजन‎ यांचे हस्ते झाले. त्यावेळी कांबळे‎ बोलत होते.

यावेळी आदर्श‎ प्राथमिक विभागाचे मुख्याध्यापक‎ शिवराज औसेकर आदी उपस्थित‎ होते. शालेय विज्ञान प्रदर्शनात‎ विद्यालयातील ४२ विद्यार्थ्यांनी‎ सहभाग घेत विज्ञान प्रयोग व‎ प्रकल्पाचे उत्कृष्ट सादरीकरण केले.‎ पर्यावरण आणि जागतिक तापमान‎ वाढ, प्रकल्प, पाण्याची बचत,‎ विकसित शहरे, वृक्षारोपण, टाकाऊ‎ पासून टिकाऊ, विजेची बचत अशा‎ विविध विषयांवर आधारित प्रयोग,‎ प्रकल्प विद्यार्थ्यांनी सादर केले.‎ प्राचार्य महाजन म्हणाले की,‎ विज्ञानाच्या उपासनेशिवाय‎ आजच्या जगात कोणताही देश पुढे‎ जाणार नाही, विज्ञान म्हणजे‎ कृतिशीलतेचे सर्वोच्च स्वरूप आहे.‎

‘जाणता विज्ञान प्रत्येकाचे, सरती‎ सारी यज्ञ प्रश्न’, असे सांगत विज्ञान‎ आपल्याला सत्यापर्यंत‎ पोहोचण्याचा एक मार्ग आहे. विज्ञान‎ हे मानवासाठी फार सुंदर देणगी‎ असून याला आपण विकृत स्वरूप‎ देता कामा नये. मानवी जीवन हे‎ विज्ञानाच्या प्रयोगासारखे असून‎ जितक्या वेळा प्रयोग करू तितक्या‎ वेळा चांगले परिणाम मिळतात.‎ विज्ञानाचे चमत्कारामुळेच मानवी‎ जीवन सुखी झाल्याचे सांगितले.‎ यावेळी यशस्वी विद्यार्थ्यांना‎ पारितोषिक देवून गौरवण्यात आले.‎ याप्रसंगी विज्ञान शिक्षक परमेश्वर‎ भुजबळ, पांडुरंग आवटे, विकास‎ कांबळे, कल्पक हुळमजगे, सुवर्णा‎ भालेराव यासह शिक्षक, विद्यार्थी‎ उपस्थित होते. शिक्षक तात्याराव‎ फडताळे यांनी सूत्रसंचालन करून‎ आभार मानले.‎