तक्रार:काक्रंब्यात अतिक्रमण,‎ दारूबंदीवर चर्चा‎

तुळजापूर तालुक्यातील काक्रंबा‎ ग्रामपंचायतीची सोमवारी (दि.६)‎ पार पडलेल्या मासिक बैठकीत‎ गावातील शासकीय जागेवर‎ नियमबाह्य रितीने केलेले अतिक्रमण‎ व संपूर्ण दारु बंदीच्या मुद्यावर‎ वादळी चर्चा झाली. मात्र, गावातील‎ वाढलेली अतिक्रमण काढण्यास‎ पुढाकार घेण्यास खुद्द जबाबदार‎ ग्रामपंचायत सदस्यांनी उदासिनता‎ दाखवल्याने यासाठी कोण पुढाकार‎ घेणार याकडे सर्वांचे लक्ष लागले.

‎ काक्रंबा ग्रामपंचायत ग्रामविकास‎ अधिकारी के. ए. केवळराम यांनी‎ कार्यालयात सरपंच कालिदास‎ खताळ यांच्या अध्यक्षतेखाली‎ गावातील विविध विकासाच्या‎ मुद्यावर चर्चा करून निर्णय‎ घेण्यासाठी मासिक बैठक बोलावली‎ होती. यावेळी मासिक बैठकीत‎ सुरुवातीलाच काही सदस्यांनी‎ गावातील जिल्हा परिषद शाळेसमोर‎ ग्रामपंचायतीच्या जागेवर गावातील‎ काही लोकांनी बेकायदेशीर व‎ नियमबाह्य रितीने अतिक्रमण‎ केल्याचा मुद्दा उपस्थित केला.‎

एकेकाळी याच अतिक्रमण केलेल्या‎ ठिकाणी गावातील तरुण वर्गाला‎ खेळण्यासाठी भव्य मैदान होतं.‎ शाळेतील लहान मुलं व गावातील‎ तरुणांचे या ठिकाणी खो खो,‎ कबड्डी, क्रिकेट स्पर्धा तसेच‎ रात्रीच्या वेळी हॉलीबॉल खेळला‎ जात होता.‎ मात्र, याच ग्रामपंचायतच्या नावे‎ असलेल्या शासकीय जागेवर‎ गावातील काही मंडळींनी नियमबाह्य‎ रितीने अतिक्रमण करून‎ बेकायदेशीर रितीने बांधकाम केली.‎ काहींनी पत्र्याचे शेड उभारले.

या‎ अतिक्रमणाला पदाधिकाऱ्यांकडूनच‎ पाठीशी घालण्यात येत असल्याने‎ ग्रामस्थांकडून यावर नाराजी व्यक्त‎ करण्यात येत आहेत. वादळी चर्चा‎ होऊनही यावर कोणताही ठाम‎ निर्णय होऊ शकला नाही. यावर‎ कायमस्वरुपी ठोस तोडगा निघावा‎ अशी ग्रामस्थांची इच्छा होती.‎ ३१ जानेवारी रोजी जी ग्रामसभा‎ झाली, त्यातही चर्चा झाली होती.‎ मात्र त्याचा उपयोग झाला नसल्याची तक्रार आहे.