दणका:औषध निरीक्षक मिळाले, एफडीए अॅक्टिव्ह‎ मोडवर; 20 मेडिकल्सचा परवाना निलंबित‎

औषध निरीक्षकांअभावी येथील अन्न व‎ औषध प्रशासनातील कामकाज सुमारे ‎ ‎ वर्षभरापासून ठप्प झाले होते. आता निरीक्षक ‎ ‎ मिळाल्यापासून पुन्हा प्रशासन अॅक्टिव्ह‎ मोडवर आले असून नियमित मेडिकल‎ दुकानांच्या तपासण्या करण्यात येत आहेत.‎ गर्भपाताच्या गोळ्या विकणे, चिठ्ठीशिवाय‎ औषधे देणे आदी बेकायदा कृत्य करणाऱ्या‎ २० दुकानांचे परवाने निलंबित करण्यात आले‎ आहेत. तसेच ३ दुकानांचे परवाने रद्द केले‎ आहेत.‎ औषध निरीक्षक नसल्यामुळे अन्न व‎ औषध प्रशासनातील औषध विभागाला‎ घरघर लागली होती.

कोणत्याही कारवाया‎ होत नसल्यामुळे हा विभागच आहे की नाही,‎ असे वाटत हाेते. पूर्वीचे औषध निरीक्षक‎ विलास दुसाने यांची बदली झाल्यावर सुमारे‎ वर्षभर येथील पद रिक्त होते. आता काही‎ महिन्यांपासून औषध निरीक्षक श्रीकांत‎ पाटील यांनी पदभार घेतल्यानंतर त्यांनी‎ धडाकेबाज कारवाया करण्यास सुरुवात‎ केली आहे.‎ पाटील यांनी पदभार स्वीकारल्यापासून‎ २०० पेक्षा अधिक दुकानांना अचानक भेटी‎ देऊन तपासण्या केल्या आहेत. यामध्ये‎ नियमबाह्यपणा आढळलेल्या ३२ दुकानांना‎ नोटीस देण्यात आल्या आहेत. यामध्ये २०‎ दुकानांचे परवाने ८ ते २० दिवसांसाठी‎ निलंबित करण्यात आले आहेत.‎

यामध्ये ज्या दुकानदाराने तोडलेल्या नियमाची‎ तीव्रता किती आहे, त्यानुसार त्यांचे‎ अधिकदिवसांसाठी निलंबन करण्यात आले‎ आहे. तसेच काही दुकानांचे कृत्य तर माफ न‎ करण्याप्रमाणेच होते. त्यानुसार तीन दुकानांचे‎ परवाने कायमस्वरूपी रद्द करण्यात आले‎ आहेत. निलंबन व रद्द केलेल्या दुकानदारांना‎ आयुक्तांकडे अपिल करण्याची संधी आहे.‎ मात्र, या दरम्यान दुकान उघडे आढळल्यास‎ यापेक्षा तीव्रता अधिक असलेली कारवाई होऊ‎ शकते. या दुकानांवर विशेष नजर ठेवण्यात येत‎ आहे, असे पाटील यांनी सांगितले.‎

या कारणांमुळे‎ केली कारवाई‎
ग्राहकांना पावती देणे‎ आवश्यक असताना योग्य‎ पावती न देताच औषधांची‎ विक्री करणे.‎ एमबीबीएस किंवा तत्सम‎ पदवी प्राप्त डॉक्टरांनी दिलेल्या‎ चिठ्ठी शिवाय औषधांची विक्री.‎ गर्भपाताच्या गोळ्या, झोपेची‎ औषधांच्या कोणत्याही नोंदी न‎ ठेवताच खरेदी व विक्री करणे.‎ लैंगिक क्षमता वाढवण्यासाठी‎ दिल्या जाणाऱ्या गोळ्याही‎ डॉक्टरांच्या सल्ल्याशिवाय ‎.‎ दुकानात अस्वच्छता ठेवणे,‎ शासनाने सांगितलेल्या‎ नियमानुसार दुकानांची ठेवण‎ नसणे .‎ वारंवार नियमांचे उल्लंघन‎ केल्याने कारवाई झाली.‎

एमबीबीएस डॉक्टरांची अडचण‎
सध्या विविध रुग्णांना देण्यात येणाऱ्या औषधांची एच,‎ एच – १ शेड्यूलमध्ये वर्गिकरण करण्यात आले आहे.‎ अशा काही औषधांसाठी डॉक्टरांच्या सल्ल्याची व‎ तपासणीची गरज असते. अशी तपासणी एमबीबीएस‎ डॉक्टर करू शकतात. मात्र, ग्रामीण भागात या‎ डॉक्टरांची वानवा आहे. यामुळे मेडिकल‎ दुकानदारांनाही या नियमांचे पालन करणे शक्य होत‎ नाही. नियमित औषधे घेणारा रुग्ण दुकानात येऊन‎ औषधांचा हट्ट करतो तेव्हा दुकानदार चिठ्ठीचा आग्रह‎ करतात. यावेळी मोठे वाद होतात.‎

मनुष्यबळाची कमतरता‎
सध्या प्रशासनाकडे पुरेशा मनुष्यबळाची‎ कमतरता आहे, हे बरोबर असले तरी‎ ग्राहकांना कोणतीही गैरसोय होणार नाही,‎ याची काळजी प्रशासन सातत्याने घेत आहे.‎ मेडिकलच्या बाबतीत कोणतीही तक्रार‎ आली तर तातडीने त्याचा निपटारा करण्यात‎ येत असतो. -श्रीकांत पाटील, औषध‎ निरीक्षक, एफडीए.‎

अनेक दिवस प्रभारीराज‎
अनेक दिवस येथे केवळ प्रभारीराज होते.‎ येथील औषध निरीक्षकांचा पदभार अन्य‎ जिल्ह्यातील अधिकाऱ्यांकडे दिला होता.‎ मात्र, तेथीलच काम संपत नसल्यामुळे त्या‎ निरीक्षकांना उस्मानाबाद जिल्ह्यात येऊन‎ काम करणे शक्य होत नव्हते. वास्तविक‎ पहाता येथे दोन निरीक्षकांची गरज असताना‎ गेल्या १२ वर्षांपासून एकावरच भागवण्याचा‎ प्रकार सुरू आहे. तरीही ते एकही पद‎ भरलेले ठेवण्याची तसदी शासन घेत नाही.‎