विभागात‎ शुकशुकाट:उमरग्यात संपामुळे‎ कार्यालयात शुकशुकाट‎

जुनी पेन्शन योजना लागू करण्यासह‎ अन्य मागण्यांसाठी तालुक्यातील‎ तहसील, पंचायत समिती,‎ नगरपरिषद, आरोग्य व शिक्षण‎ विभागातील कर्मचाऱ्यांनी‎ मंगळवारपासून बेमुदत संप‎ पुकारल्याने सर्वच विभागात‎ शुकशुकाट दिसून आला. यामुळे‎ शहरासह तालुक्यातील नागरिकांची‎ शासकीय कार्यालयांमधील कामे‎ रखडली आहेत.‎ उमरगा तहसील कार्यालयातील‎ कर्मचारी संपावर गेल्याने कामासाठी‎ आलेल्या नागरिकांना तसेच परतावे‎ लागले.

तहसील कार्यालयातील‎ युवराज शिंदे, सूरज अहंकारी,‎ विनोद स्वामी, पंकज कुलकर्णी,‎ मुदगल कुलकर्णी, एजाज पटेल‎ यांच्यासह सर्व कर्मचारी संपावर गेले‎ आहेत. उमरगा पंचायत समितीत‎ शुकशुकाट होता. ग्रामसेवक‎ संघटनेचे कर्मचारी धाराशिव येथील‎ मोर्चात सहभागासाठी गेले, अन्य‎‎‎‎‎‎‎‎‎‎‎‎‎‎‎‎‎‎‎‎ कर्मचारी येथील संपात सहभागी‎ झाल्याने नागरिकांची गैरसोय झाली.‎ पंचायत समितीचे एल. एस.‎ जकेकुरे, जी. आर. माळी, एस.‎ एम. डावरे, व्ही. जी. लोंढे, एम.‎ एस. चव्हाण उपस्थित होते.‎

पर्यायी व्यवस्था‎
शहरातील अनेक शाळांतील‎ शिक्षकांसह कर्मचारी संपावर‎ असल्याने तारांबळ उडाली.‎ शहरातील छत्रपती शिवाजी‎ महाविद्यालय, आदर्श‎ महाविद्यालय, भारत विद्यालय,‎ आदर्श विद्यालय, महात्मा गांधी‎ विद्यालय, जिल्हा परिषद शाळेसह‎ सर्वच शाळांतील शिक्षक संपावर‎ गेले होते. दरम्यान, याचा दहावीच्या‎ परीक्षेवर परिणाम होणार नसल्याचे‎ गटशिक्षणाधिकारी शिवकुमार‎ बिराजदार यांनी सांगितले.‎ दहावीच्या परीक्षेसाठी पर्यायी‎ व्यवस्था केली आहे, असे त्यांनी‎ सांगितले.‎