ई फायलिंग‎ प्रणाली:जिल्ह्यातील सर्व न्यायालयात ई - फायलिंग, कामकाज पेपरलेस‎

जिल्ह्यातील सर्वच न्यायालयांमध्ये‎ सोमवारपासून (दि. ९) ई फायलिंग‎ प्रणालीद्वारे कामकाज करण्यात येणार‎ आहे. यामुळे संपूर्ण कामकाज‎ पेपरलेस होणार असून विधिज्ञ व‎ पक्षकार यांना घरबसल्या प्रकरणे‎ न्यायालयात दाखल करण्यात येणार‎ आहेत. सध्या यासाठी लहान प्रकरणे‎ दाखल करण्याची प्रक्रिया होणार‎ असून नंतर मात्र, याची व्याप्ती‎ वाढवण्यात येणार आहे. तसेच‎ न्यायालयातील सर्व दस्तांचेही स्कॅनिंग‎ होणार आहे.‎ देशात मोबाईलची ४ जी सेवा सुरू‎ झाल्यापासून सर्व प्रकारचे प्रशासकीय‎ कामकाज संगणकिय प्रणालीच्या‎ माध्यमातून केले जात आहे.

यासाठी‎ वेगवान इंटरनेट सुविधा मिळाल्यामुळे‎ प्रणालीला यशही आले आहे. महसूल‎ कार्यालयातील सर्व प्रकारची कागदपत्रे‎ मिळवण्यापासून पिकविमा, विविध‎ योजनांसाठीच्या लाभांचे अर्ज दाखल‎ करण्यापर्यंत सर्व प्रणाली ऑनलाईन‎ झाली आहे. अशात आता ५ जी सेवा‎ सुरू होण्याकडे देशाची वाटचाल होत‎ आहे. यामुळे उरलेले सर्व विभाग‎ आता ऑनलाईन प्रणालीचा स्विकार‎ करत आहेत. याला न्यायालयही‎ अपवाद नसून येथेही ऑनलाईन ई‎ फायलिंग प्रणाली विकसित करण्यात‎ येत आहे. जिल्ह्यातील न्यायालयांमध्ये‎ सोमवारपासून याची सुरुवात होत‎ आहे. उस्मानाबाद जिल्हा न्यायालयात‎ मुंबई उच्च न्यायालयाच्या औरंगाबाद‎ खंडपीठाचे न्यायमूर्ती तथा जिल्हा‎ न्यायालयाचे पालक न्यायमुर्ती अरूण‎ आर. पेडणेकर यांच्या हस्ते करण्यात‎ येत आहे. यासाठी रविवारी (दि. ८)‎ सकाळी १० वाजता विशेष कार्यक्रमाचे‎ आयोजन करण्यात आले आहे.‎ यावेळी सर्व न्यायालयातील‎ न्यायाधीश, विधिज्ञ उपस्थित राहणार‎ आहेत.‎

सुरुवातीला लहान प्रकरणे‎ ‎ सुरुवातीला लहान स्वरुपाची प्रकरणे ई‎ फायलिंगद्वारे दाखल करण्यात येणार आहेत.‎ यामध्ये जामिन, वारसाहक्क, चेक संदर्भातील‎ केसेस आदीचा समावेश आहे. ई - फायलिंग‎ झाल्यानंतर पहिल्या तारखेला काही दिवस‎ ऑफलाईन कागदपत्र दाखल करावी लागणार‎ आहेत. नंतर काही दिवसांनी याची गरज‎ असणार नाही. तसेच प्रकरणांच्या स्वरुपांचीही‎ व्याप्ती वाढवून सर्व कामकाज ऑनलाईन‎ पद्धतीने केले जाणार आहे, अशी माहिती विधी‎ सेवा प्राधिकरणाचे सचिव न्यायाधीश वसंत‎ यादव यांनी दिली.‎

असे करता येणार‎ रजिस्ट्रेशन‎ ‎

कोणत्याही पक्षकार, विधिज्ञ,‎ पोलिस, वित्तीय संस्थेला प्रकरणे‎ दाखल करण्यासाठी जिल्हा‎ न्यायालयाच्या अधिकृत‎ संकेतस्थळावर जाऊन रजिस्ट्रेशन‎ करता येणार आहे. यासाठी ई‎ फायलिंगमध्ये जाऊन रजिस्ट्रेशन‎ करता येईल. सध्या वकिलांसाठी‎ न्यायालयाच्या संकेतस्थळावर लिंक‎ दिसत आहे. अन्य व्यक्तींसाठीही ही‎ सुविधा लवकर उपलब्ध होईल.‎

विधिज्ञ, पक्षकारांना करावे‎ लागणार रजिस्ट्रेशन‎ ‎

प्रकरण दाखल करणारे विधिज्ञ तसेच‎ आपणहून प्रकरणे दाखल करणाऱ्या‎ पक्षकारांना ई फायलिंगवर रजिस्ट्रेशन करावे‎ लागणार आहे. यासाठी मोबाईल क्रमांक, ई‎ मेल तसेच विधिज्ञांसाठी त्यांचा महाराष्ट्र व‎ गोवा बार कौन्सिलकडे रजिस्ट्रेशन करत‎ असतानाचा इनरोल क्रमांक असणे‎ आवश्यक आहे. रजिस्ट्रेशन केलेल्यांनाचा‎ प्रकरणे दाखल करता येणार आहेत. पोलिस,‎ पतसंस्था आदी संस्थानाही स्वत: रजिस्ट्रेशन‎ करता येणार आहे.‎

असे होतील फायदे‎
प्रत्येकवेळी न्यायालयात येण्याची गरज‎ नाही, तारीख पुढे ढकलली तर ऑनलाइन‎ समजणार.‎ यामुळे प्रवास खर्चासह वारंवार‎ न्यायालयात येणे, अन्य खर्चाचही बचत‎ होणार आहे.‎ विरोधी पार्टीच्या वकिलांनी जबाब दाखल‎ करणे स्टेजेस घेतले तर समजून येणार.‎ न्यायालयाने केलेली एखाद्या‎ कागदपत्रावरील ऑर्डर ऑनलाइन पद्धतीने‎ वाचता येणार.‎ समोरच्या विधिज्ञाने दाखल केलेल्या‎ कागदपत्रांचा अभ्यास घरबसल्या करता‎ येणार.‎