आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:शैक्षणिक सहलीने रुंदावली विद्यार्थ्यांची ज्ञानकक्षा‎

खामसवाडी24 दिवसांपूर्वी
  • कॉपी लिंक

‎कळंब तालुक्यातील खामसवाडी येथील‎ जिल्हा परिषद प्रशालेची शैक्षणिक सहल काढण्यात आल्याने विद्यार्थ्यांना निसर्गासह ‎ ‎ ऐतिहासिक वास्तूंचा अभ्यास करता आला. ‎यामुळे त्यांची ज्ञानकक्षा रुंदावण्यास मदत‎ झाली.‎ या पाच दिवसांच्या शैक्षणिक सहलीत ‎खामसवाडी जिल्हा परिषद शाळेतील १७६ ‎ ‎विद्यार्थी व १६ शिक्षकांनी सहभाग घेतला. या ‎सहलीसाठी परिवहन महामंडळाच्या चार बस ‎प्रासंगिक करारावर घेण्यात आल्या होत्या.विद्यार्थ्यांनी गडकिल्ले, समुद्र किनारे, धार्मिक ‎ ‎ स्थळे, ग्रामीण लोकजीवन, भौगोलिक परिसर,‎ विविध प्रकारेच घाट, कोकणची खाद्य‎ संस्कृती अनुभवली.

तसेच हापूस आंबा,‎ सुपारी व नारळाच्या बागा बघितल्या. तसेच‎ काजूगर, मिठागरे, समुद्रातील खाड्या,‎ नौकानयन, शंख-शिंपले, मच्छीमारांचे‎ जीवन, समाधी स्थळे यांच्या प्रत्यक्ष अनुभव‎ घेतला. सहलीत विद्यार्थ्यांनी खूप आनंद‎ घेतला. सामूहिक वनभोजनाचा आस्वाद‎ घेतला. समुद्र किनाऱ्यावर धमाल केली,‎ पोहण्याचा आनंद घेतला. या सहलीमुळे‎ विद्यार्थ्यांच्या ज्ञानाच्या कक्षा रुंदावण्यास मदत‎ झाली. विद्यार्थ्यांमध्ये समायोजन साधण्याचे‎ कौशल्य विकसीत झाले. वैज्ञानिक व‎ ‎ऐतिहासिक, भौगोलिक दृष्टीकोन वाढीस‎ लागला. या सहलीच्या यशस्वितेसाठी‎ प्रशालेचे मुख्याध्यापक दत्तात्रय रसाळ,‎ सहल विभागप्रमुख सुधाकर सुरवसे,‎ बाळासाहेब वाघमारे यांनी परिश्रम घेतले. डॉ.‎ अशोक शिंपले, अनिल राठोड, गोकुळदास‎ गोरे, शिवाजी कोकाटे, नेताजी वाघ, तुकाराम‎ सुरवसे, संजय लोंढे, बाळासाहेब देशमाने,‎ अंगद जाधव, विलास भंडारे, आसिफ पठाण,‎ सुनीता लिंबोरे, सुदर्शनी कदम यांनी‎ विद्यार्थ्यांना पर्यटन स्थळांची माहिती दिली.‎

अनुभवली निसर्गसंपन्न‎ कोकणाची श्रीमंती‎ सहलीत कोल्हापूर येथील शाहू पॅलेस,‎ महालक्ष्मी मंदिर, कन्हेरी मठ, रंकाळा तलाव,‎ ज्योतिबा, पन्हाळगड, राधा नगरी धरण, रॉक‎ गार्डन येथे विद्यार्थ्यांनी भेट दिली. तसेच‎ सिंधुदुर्ग जिल्ह्यात सिंधुदुर्ग किल्ला, तारकर्ली‎ बीच, विजयदुर्ग किल्ला बघितला. रत्नागिरी‎ जिल्ह्यात थिबा पॅलेस, हापूस आंब्याच्या‎ बागा, काजूगर, नारळाच्या बागा, खाडी,‎ जैतापूर प्रकल्प, रत्नागिरी जिल्हा कारागृह,‎ गणपतीपुळे येथे भेट दिली. यासोबतच‎ संगमेश्वर, गरम पाण्याचे झरे, डेरवण,‎ शिवसृष्टी, कोयना धरण व उद्यान, कराड‎ येथील प्रीति संगम, पंढरपूरलाही भेट दिली.‎

बातम्या आणखी आहेत...