दिव्य मराठी विशेष:मुक्तिसंग्रामाच्या साक्षीदार पुलास स्मारकाच्या दर्जासाठी प्रयत्न‎

मराठवाडा मुक्तिसंग्राम लढ्याचा मूक साक्षीदार‎ नळदुर्ग येथील ऐतिहासिक अलियाबाद पुलाला‎ राष्ट्रीय स्मारकाच्या दर्जासाठी प्रयत्न करणार,‎ अशी ग्वाही केंद्रीय गृहराज्यमंत्री अजय मिश्रा‎ यांनी दिली. तसेच देशाचे पहिले अशोक चक्र‎ पुरस्कार प्राप्त, हा पूल वाचवताना शहीद‎ झालेले जवान बचित्तर सिंह यांचे येथे स्मारक‎ उभारण्यासाठी प्रयत्नांचीही त्यांनी ग्वाही दिली.‎

अलियाबाद पुलाचे मराठवाडा मुक्तिसंग्रामात‎ मोठे योगदान आहे. भारतीय सेना आपल्यापर्यंत‎ पोहोचू नये यासाठी निझामाने त्यावेळी हा पूल‎ उडवून देण्यासाठी पुलाखाली दारूगोळा ठेवला‎ होता. मात्र, भारतीय सेनेतील जवान बचित्तर‎ सिंह यांनी तो दारूगोळा नष्ट केला. यात ते‎ जखमी होऊन शहीद झाले.

मिश्रा यांनी गुरुवारी‎ या ऐतिहासिक पुलास भेट देत दिली. मिश्रा यांचे‎ नळदुर्ग शहरात आगमन झाल्यानंतर संविधान‎ चौकात शहर भाजपच्या वतीने त्यांचा सत्कार‎ करण्यात आला. यावेळी मिश्रा यांच्या हस्ते डॉ.‎ बाबासाहेब आंबेडकर यांच्या प्रतिमेचे पूजन‎ झाले.

मिश्रा यांच्यासोबत आमदार‎ राणाजगजितसिंह पाटील यांच्यासह‎ जिल्ह्यातील भाजपचे पदाधिकारी उपस्थित‎ होते. अलियाबाद पुलाजवळ कार्यक्रमात माजी‎ नगरसेवक नय्यर जहागीरदार, उदय‎ जगदाळे,संजय बताले, भाजपच्या जिल्हा‎ उद्योग आघाडीचे अध्यक्ष सुशांत भुमकर,‎ भाजपा शहराध्यक्ष धीमाजी घुगे, श्रमीक‎ पोतदार, सागर हजारे, उमेश नाईक, मुदस्सर‎ शेख, अबुल हसन रजवी यांनीही सत्कार‎ केला. त्यांना नळदुर्ग किल्ल्याची प्रतिमा भेट‎ देण्यात आली. सचिन घोडके, धनगर समाजाचे‎ सुनिल बनसोडे यांनी अजयकुमार मिश्रा यांचा‎ घोंगडी देऊन सत्कार केला.‎

महामार्गाच्या कामाला गती देणार‎‎
मिश्रा यांनी मैलारपूर येथे श्री खंडोबाचे दर्शन‎ घेतले. या ठिकाणी खंडोबा देवस्थान ट्रस्टच्या‎ वतीने त्यांचा सत्कार करण्यात आला. यावेळी‎ खंडोबा मंदिराजवळून गेलेल्या व गेल्या अनेक‎ वर्षापासुन रखडत पडलेल्या महामार्गाच्या कामाची‎ पाहणी केली. हे काम लवकर पुर्ण व्हावे यासाठी‎ आपण संबंधित मंत्रालयाला कळवणार असल्याचे‎ आश्वासन त्यांनी यावेळी उपस्थितांना दिले.

‎धगधगत्या इतिहासाचा साक्षीदार‎ पूल : सिंह यांनी जिवाची पर्वा न करता हा पूल‎ वाचवला. त्यात त्यांना वीरमरण आले. सिंह यांच्या‎ शौर्याची दखल घेत भारत सरकारने सन १९५२‎ साली सिंह यांना देशातील पहिले अशोक चक्र‎ प्रदान करण्यात आले. हा धगधगता इतिहास‎ ऐतिहासिक नळदुर्ग शहर व पुलाचा आहे.‎