शिबिर:शिबिरात 650  रुग्णांची तपासणी‎

डॉ. पद्मसिंह पाटील व आमदार‎ राणाजगजितसिंह पाटील यांच्या‎ मार्गदर्शनाखाली तेरणा पब्लिक‎ चॅरिटेबल ट्रस्ट संचालित तेरणा‎ जनसेवा केंद्र, तेरणा सुपर स्पेशालिटी‎ हॉस्पिटल, नेरूळ नवी मुंबई यांच्या‎ संयुक्त विद्यमाने आरोग्य तपासणी व‎ उपचार शिबिराचे आयोजन गुरुवारी‎ (दि.९) डी. एड. कॉलेज, नळदुर्ग‎ येथे महिला दिनानिमित्त सकाळी दहा‎ ते दुपारी चार या वेळेत करण्यात‎ आले. या आरोग्य शिबिरात नळदुर्ग व‎ परिसरातील सर्व वयोगटातील ६५०‎ महिला, पुरुष तसेच बालकांनी लाभ‎ घेतला. यात प्रामुख्याने ह्रदयरोग,‎ स्त्रीरोग, कान-नाक घसा, नेत्ररोग,‎ बालरोग, अस्थिरोगावर मुंबई येथील‎ तज्ञ डॉक्टरांनी माेफत तपासणी व‎ उपचार केले.‎

कार्यक्रमास प्रमुख पाहुणे उदय‎ जगदाळे (माजी न.प. अध्यक्ष),‎ ज्ञानेश्वर घोडके (शिवसेना ता.‎ अध्यक्ष), भाजप उद्योग आघाडीचे‎ सुशांत भूमकर, शहराध्यक्ष धिमाजी‎ घुगे, शहराध्यक्ष पद्माकर घोडके,‎ सामाजिक कार्यकर्ते मुदस्सर शेख,‎ अक्षय भोई, रियाज शेख, विलास‎ येडगे, कार्यकर्ते व ग्रामस्थ उपस्थित‎ होते. यावेळी मुंबईचे डॉ.‍ अजित‎ निळे, डॉ. अजय घुगे, डॉ. व्यंकटेश‎ पाटील, डॉ. रिया तिवारी, डॉ. सय्यद‎ आयेशा, डॉ. उन्नती यांनी रुग्णांची‎ तपासणी करून औषधोपचार केले.‎ तसेच तेरणा जनसेवा केंद्राचे अबुल‎ हसन रझवी, विनोद ओव्हळ, अमिन‎ सय्यद आदींनी पुढाकार घेतला.‎