आवाहन:पीक पेरा नोंदणीला 15 पर्यंत मुदतवाढ‎

रब्बी हंगामात शेतकऱ्यांच्या स्तरावर करण्यात‎ येणाऱ्या पीकपेरा नोंदणीसाठी १५ दिवसांची मुदतवाढ ‎(१५ फेब्रुवारी) देण्यात आली आहे. त्यामुळे ‎ ‎ तालुक्यातील उर्वरित शेतकऱ्यांनी ई-पीक पाहणी ‎ ‎ मोहिमेंतर्गत १५ फेब्रुवारीपर्यंत पीकपेरा नोंदणी‎ करावी, असे आवाहन तहसीलदार प्रसाद चौगुले‎ यांनी केले.‎

तालुक्यातील रब्बी हंगाम २०२३ अंतर्गत ई-पीक‎ पाहणी मोहिमेंतर्गत पिकांना पेरा नोंदवण्याचे काम‎ सुरू आहे. यापूर्वी ३१ जानेवारी अंतिम मुदत होती.‎ यासाठी अनेक शेतकऱ्यांनी शेवटच्या पीक पेरा‎ नोंदवण्यासाठी धावपळ झाली होती. पेरा नोंदवण्याचे‎ शिल्लक राहिलेल्या शेतकऱ्यांनी मुदत वाढवण्याची‎ मागणी केली होती.

प्रशासकीय पातळीवरही‎मुदतवाढीबाबत अनुकुलता दर्शवण्यात आली होती.‎ दरम्यान, यंदा मान्सून उशिरापर्यंत लांबल्याने रब्बी‎ हंगामातील पीक पेरणी उशिरा झाली आहे. शिवाय‎ जिल्हा पातळीवरून क्षेत्रीय अधिकाऱ्यांनी रब्बी‎ हंगाम पीक पेरा नोंदणीस मुदतवाढीची मागणी होती.‎ त्यानुसार रब्बी हंगाम (२०२३) ई-पीक पाहणीसाठी‎ मोबाइल अॅपद्वारे १५ फेब्रुवारीपर्यंत मुदतवाढ दिली.‎

हमीभावासाठी पेरा अनिवार्य‎
शेतकऱ्यांना किमान हमीभावानुसार हरभराची‎ विक्रीसाठी ऑनलाइन पीक पेरा नोंदणी आवश्यक‎ आहे. तालुक्यात रब्बी हंगामात हरभऱ्याचा‎ सर्वाधिक पेरा असल्याने अनेक शेतकरी पीक पेरा‎ नोंदणीपासून वंचित होते. मुदतवाढ मिळाल्याने‎ हरभरा उत्पादकांना दिलासा मिळाला आहे.‎