उपोषण‎:घरकुलासाठी कुटुंबाचे‎ आजपासून उपोषण‎

‎येथील मंदाकिनी बालाजी घुगे (७६‎ टक्के दिव्यांग) घरकुल योजनेच्या‎ लाभासाठी काही वर्षांपासून‎ शासनदरबारी प्रयत्न करत आहेत.‎ मात्र, अजूनही घरकुल मिळाले‎ नसल्याने ते अणदूर‎ ग्रामपंचायतीसमोर सोमवारपासून‎ (दि.६) उपोषण सुरू करणार आहे.‎ दरम्यान, ग्रामविकास अधिकारी‎ देविदास चव्हाण यांनी २६‎ जानेवारीपर्यंत घरकुलाचा प्रस्ताव‎ मंजूर करण्यात येईल, असे लेखी‎ आश्वासन दिले होते. परंतु या‎ आश्वासनाची पूर्तता झाली नाही.‎ यासंबंधी मंदाकिनी घुगे यांनी‎ जिल्हाधिकाऱ्यांना दिलेल्या‎ निवेदनात म्हटले आहे की, काही‎ वर्षांपासून घरकुलासाठी विविध‎ कार्यालयात फेऱ्या मारत आहे.‎

ग्रामपंचायतीने तीनदा आश्वासन‎ देऊनही उपयोग झाला नाही. यापूर्वी‎ २ जानेवारीला ग्रामपंचायतीसमोर‎ उपोषणाला बसलो असता‎ ग्रामविकास अधिकारी देविदास‎ चव्हाण यांनी २६ जानेवारीपर्यंत‎ प्रस्ताव मंजूर करण्याचे लेखी‎‎‎‎‎‎‎‎‎‎‎‎‎‎‎‎‎‎‎‎ आश्वासन दिले होते. परंतु ते फसवे‎ निघाले. त्यामुळे आम्ही सोमवारी‎ (दि.६) सहकुटुंब उपोषणास‎ बसणार आहोत. निवेदनाच्या प्रती‎ मुख्य कार्यकारी अधिकारी, प्रकल्प‎ संचालक घरकुल, गटविकास‎ अधिकारी, नळदुर्ग पोलिस ठाणे व‎ अणदूर ग्रामपंचायतीला देण्यात‎ आल्या आहेत.‎

सर्व कागदपत्रांची पूर्तता‎
अटल घरकुल योजनेंतर्गत‎ बांधकाम कामगाराचे नोंदणी‎ प्रमाणपत्र हवे आहे. त्यांची अगोदर‎ नोंदणी झाली आहे. प्रधानमंत्री‎ योजनेतून घुगे यांचा ६५ वा क्रमांक‎ आहे. त्यापैकी १५ मंजूर झाले‎ आहेत. यशवंतराव चव्हाण घरकुल‎ योजनेतूनही प्रस्ताव दाखल केला.‎ तसेच जागा नसल्यास त्यांना पंडित‎ दिनदयाळ योजनेंतर्गत ५० हजार‎ रुपयांचे अनुदान, जागा खरेदीसाठी‎ प्रस्ताव दाखल केला आहे.‎ कागदपत्रांची पूर्तता केली असून‎ मंजुरी जिल्हा स्तरावरुन मिळणार‎ आहे. - देविदास चव्हाण,‎ ग्रामविकास अधिकारी, अणदूर.‎