आश्वासन‎:दिव्यांग महिलेचे उपोषण‎ लेखी आश्वासनानंतर मागे‎

येथील मंदाकिनी बालाजी घुगे या‎ दिव्यांग महिलेने घलकुलासाठी‎ येथील ग्रामपंचायतीसमोर‎ सोमवारपासून (दि.२) सहकुटुंब‎ उपोषण सुरू केले होते. दुपारी तीन‎ वाजता चर्चेअंती ग्रामविकास‎ अधिकारी देविदास चव्हाण यांनी २६‎ जानेवारीपर्यंत घरकुलाचा लाभ‎ मिळवून देण्याचे लेखी आश्वासन‎ दिल्याने उपोषण मागे घेण्यात आले.

मंदाकिनी घुगे या मागील सात‎ वर्षांपासून घरकुलासाठी अर्ज‎ विनंत्या करत होत्या, दाद न‎ मिळाल्याने त्यांनी सोमवारपासून‎ उपोषण सुरू केले होते. पती‎ बालाजी, मुलगा करण व मुलगी‎ अर्चना हिच्यासह त्यांनी उपोषण‎ सुरू केले होते. त्यांचा सहा वर्षीय‎ मुलगा मल्हारचीही हजेरी होती.‎ दरम्यान, सरपंच रामचंद्र आलुरे व‎ ग्रामविकास अधिकारी देविदास‎ चव्हाण यांनी‎ दुपारी सरपंच रामचंद्र आलुरे व‎ ग्रामविकास अधिकारी देविदास‎ चव्हाण यांनी उपोषणकर्त्यांशी चर्चा‎ करून लेखी आश्वासन देण्याचे‎ मान्य केले.

दुपारी तीन वाजता‎ ग्रामविकास अधिकारी चव्हाण यांनी‎ आपणास खास बाब म्हणून अटल‎ बांधकाम कामगार योजने अंतर्गत‎ आपण बांधकाम कामगार नोंदणी‎ प्रमाणपत्र उपलब्ध करून त्या‎ आधारे दि.२६ जानेवारी पर्यंत‎ घरकुलाचा लाभ मिळवून देण्याचे‎ लेखी आश्वासन दिल्यानंतर‎ उपोषण मागे घेण्यात आले.‎ यावेळी भ्रष्टाचार निर्मुलन संघाचे‎ जिल्हा अध्यक्ष पंडीत जळकोटे,‎ प्रहार संघटनेचे उपतालुका प्रमुख‎ अनील महाबोले, सुभाष काळे‎ आदी उपस्थित होते.दलीत पँथरचे‎ मिलींद गायकवाड यांनी या‎ उपोषणास पाठींबा दिला होता. लेखी‎ आश्वासन मिळाल्याने तुर्तास आज‎ उपोषण मागे घेत आहोत मात्र‎ टाळाटाळ केल्यास यापेक्षा तीव्र‎ आंदोलन करणार असल्याचे‎ बालाजी घुगे यांनी यावेळी‎ सांगितले. हेच लेखी आश्वासन‎ किंवा जाणीवपूर्वक प्रयत्न झाले‎ असते तर दिव्यांग महिलेसह त्यांच्या‎ कुटूंबाची इतकी फरफट झाली‎ नसती अशी चर्चा उपोषणस्थळी‎ चालु होती.‎