जागतिक काचबिंदू सप्ताह:काचबिंदू आठवडा, उद्या‎ नेत्ररूग्णांची मोफत तपासणी‎

१२ मार्च हा जागतिक काचबिंदू दिन म्हणून‎ साजरा केला जातो. डोळ्याच्या‎ नेत्रगोलातील दाब वाढल्याने डोळ्याच्या‎ ऑप्टिक नर्व्ह म्हणजे डोळ्यापासून मेंदूला‎ जोडणाऱ्या मुख्य मज्जातंतूला हानी‎ पोहोचते. त्यामुळे व्यक्तीची दृष्टी अधू होऊ‎ लागते. डोळ्यांच्या अशा परिस्थितीला‎ काचबिंदू म्हणतात. काचबिंदूची लक्षणे‎ लवकर आढळून येत नाहीत. मात्र, जेव्हा ती‎ आढळून येतात तेव्हा वेळ निघून गेलेली‎ असते, असे मत तेरच्या ग्रामीण‎ रुग्णालयातील नेत्र चिकित्सक डॉ. आयुब‎ शेख यांनी व्यक्त केले. १३ मार्च रोजी‎ नेत्ररुग्णांची मोफत तपासणी करण्यात येणार‎ असल्याचे सांगितले.‎ वयाची चाळीशी ओलांडलेल्या व्यक्तींना‎ याचा धोका संभवतो. हा डोळ्यांच्या‎ धोकादायक विकारांपैकी एक आहे.

याचे‎ वेळेत निदान न झाल्यास उपचाराअभावी‎ दृष्टी गमावण्याची वेळ येऊ शकते.‎ काचबिंदूमुळे गेलेली दृष्टी परत मिळविता‎ येत नाही. जेवढी दृष्टी शिल्लक असते,‎‎‎‎‎‎‎ तेव्हाच काळजी घेणे अत्यावश्यक असते.‎ या रोगाची लक्षणे इतकी सौम्य असतात की‎ खूप काळापर्यंत लक्षातच येत नाहीत. सर्वात‎ पहिले चिन्हं सहसा गौण दृष्टी नष्ट होणे हे‎ आहे. यासाठी जागतिक काचबिंदू सप्ताह हा‎ जागतिक काचबिंदू असोसिएशन आणि‎ जागतिक काचबिंदू रुग्ण असोसिएशन‎ यांच्यातील एक संयुक्त उपक्रम आहे. गेल्या‎ १० वर्षांपासून हा राबविला जात आहे.‎ जागतिक काचबिंदू सप्ताह यशस्वी‎ करण्यासाठी आणि काचबिंदूविषयी अधिक‎ जागरूकतेसाठी हा सप्ताह एका संदेशपूर्ण‎ संकल्पनेसह साजरा केला जातो. यावर्षीची‎ संकल्पना आहे ‘चला काचबिंदूवर मात‎ करूया’. यावर्षी १२ मार्च ते १८ मार्च २०२३‎ दरम्यान हा आठवडा साजरा करण्यात येत‎ आहे. १३ मार्च रोजी ग्रामीण रुग्णालयात‎ नेत्ररूग्णात तपासणी करण्यात येणार आहे.‎