उपोषण‎:बेंबळीचे ग्रामपंचायत‎ सदस्य करणार उपोषण‎

तालुक्यातील बेंबळी ग्रामपंचायतमध्ये‎ झालेल्या अपहाराच्या चौकशीचा अहवाल देण्यास‎ प्रशासनाकडून टाळाटाळ होत असल्याने येथील‎ ग्रामपंचायत सदस्य पुन्हा उपोषण करणार आहेत.‎ मागील उपोषणावेळी गटविकास अधिकाऱ्यांनी लेखी‎ हमीपत्र देऊनही अहवाल दिला नाही.‎ जिल्हाधिकाऱ्यांना निवेदनात म्हटले आहे की, बेंबळी‎ ग्रामपंचायतमध्ये मोठ्या अपहार झाला आहे.

याबाबत‎ सातत्याने तक्रारी दाखल करूनही दखल घेतली जात‎ नसल्यामुळे १९ डिसेंबरला जिल्हाधिकारी‎ कार्यालयासमोर आमरण उपोषण केले होते. गटविकास‎ अधिकाऱ्यांनी चौकशी करून अहवाल देणार‎ असल्याचे आश्वासन दिले होते. यासंदर्भात ३१‎ डिसेंबरला चौकशी करण्यात आली. परंतु, चौकशी‎ अहवाल देण्यासाठी गटविकास अधिकारी टाळाटाळ‎ करत असून ते राजकीय दबावात आहेत. अनेक वेळा‎ तोंडी व लेखी विनंती करून चौकशी अहवाला‎ आम्हाला दिला जात नाही. साततत्याने विविध कारणे‎ दाखून टाळाटाळ केली जात आहे.‎