सर्वांगीण‎ विकासासाठी गरजेचे:राज्यातील सर्व शाळेत साजरा‎ होणार "आजी आजोबा दिन''‎

राज्यातील सर्व शाळेत //"आजी आजोबा दिन//"‎ साजरा करण्याचा निर्णय शासनाच्या शिक्षण‎ विभागाने घेतला असून याबाबतचे परिपत्रक सर्व‎ जिल्हा व तालुका स्तरावर असणाऱ्या गटशिक्षण‎ कार्यालयास देण्यात आले असुन या निर्णयाचे‎ स्वागत होत आहे. सध्याची कौटुंबिक परिस्थिती‎ पाहता आई-वडील नोकरी अथवा व्यवसाया‎ निमित्त घराबाहेर जास्त वेळ असल्याने पाल्यांची‎ संपूर्ण जबाबदारी आजी आजोबांवर असते.‎ शाळा सोडून घरातला जास्त वेळ ते आजी‎ आजोबांसोबत घालवतात.आजी आजोबा आणि‎ नात किंवा नातू हे नाते विलक्षण वेगळे असते‎ म्हणून आजी आजोबा पहिले मित्रच‎ असतात.नात्यांची खरी जडण-घडण होत असते‎ म्हणून आजी आजोबांचे नातवांशी असलेल्या‎ घट्ट नात्याची ओळख होणे आजच्या काळाची‎ गरजअसून हे नातं पाल्यांच्या सर्वांगीण‎ विकासासाठी गरजेचे व प्रेरणादायी ठरणार‎ आहे.शाळेतील अनुभवासह आजी आजोबांचे‎ अनुभव त्यांच्या हितगुजातून मिळणारी माहिती या‎ गोष्टी पाल्यांच्या जडण घडणीसाठी पोषक‎ ठरतात.

त्यामुळे शाळांमध्ये विविध उपक्रमांच्या‎ माध्यमातून आजी आजोबांना शाळेत आमंत्रित‎ करून मुलांशी संवाद, खेळ व गप्पा गोष्टी तसेच‎ सांस्कृतिक कार्यक्रमांच्या माध्यमातून ओळख‎ करण्यासाठी //"आजी आजोबा//" दिवस शाळेत‎ साजरा करणे संस्कार पूर्णतेच्या दृष्टीने गरजेचे‎ आहे. मुलांना शाळेबरोबरच आजी आजोबांच्या‎ महत्त्वपूर्ण नात्याची नव्याने ओळख होऊन त्याची‎ दृढता होण्यासाठी //"आजी आजोबा//" दिवस‎ साजरा होणे आवश्यक आहे. प्रत्येक वर्षी सप्टेंबर‎ महिन्याच्या पहिल्या सोमवार नंतर येणाऱ्या‎ रविवारी //"आजी आजोबा//" दिवस साजरा केला‎ जातो.यावर्षी १० सप्टेंबर, २०२३ रोजी //"आजी‎ आजोबा//" दिवस असून त्याअनुषंगाने‎ त्यानंतरच्या कार्यालयीन दिवशी हा उपक्रम‎ राबवून राज्यस्तर, जिल्हास्तर व शाळास्तरावर‎ विविध कार्यक्रमांचे आयोजन करण्याची बाबत‎ शासनाच्या विचाराधीन असल्यामुळे सर्व‎ शाळात आजी आजोबा दिन साजरा करण्याचे‎ निर्देश सर्व शाळाना देण्यात आले आहेत.‎

सदरील दिवशी आजी आजोबांकरिता‎ खालील प्रमाणे उपक्रम राबविण्यात यावेत-‎ सर्वप्रथम सर्व विद्यार्थ्यांनी आपल्या आजी‎ आजोबांचा परिचय करून द्यावा.आजी‎ आजोबांच्या मनोरंजनासाठी संगीत, गायन,‎ वादन, चित्रकला नृत्य असे कार्यक्रम आयोजित‎ करावेत.विटी- दांडू, संगीत खुर्चीसारख्या खेळात‎ सहभागी होऊन बालपणीच्या आठवणी ताज्या‎ होणार आहेत,आजी आजोबां सोबत शाळेतील‎ शिक्षकांनी सुद्धा सहभाग घ्यावा. पारंपरिक‎ वेशभूषेमध्ये आजी आजोबा यांना बोलवावे.‎ महिलांसाठी मेहंदी आणि वेगवेगळ्या उपक्रमांचे‎ आयोजन करण्यात करणे अपेक्षित आहे.‎