आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रतिपादन:कळंब भैरवनाथ विद्यालयात‎ सावित्रीबाई यांना अभिवादन‎

कळंब‎एका महिन्यापूर्वी
  • कॉपी लिंक

आजच्या धकाधकीच्या जीवनात‎ भारतीय संस्कृतीचा विसर पडत‎ आहे संस्कृती जोपासण्याचे महान‎ कार्य क्रांती ज्योती सावित्रीबाई फुले‎ यांनी शिक्षणाच्या माध्यमातून केले‎ तेच विचार आजच्या तरुण पिढीने‎ स्वतः मध्ये अंगीकृत करावे असे‎ प्रतिपादन विद्याभवन हायस्कूलच्या‎ उपक्रमशील शिक्षिका तथा‎ इनरव्हील क्लबच्या माजी अध्यक्षा‎ राजमती तीर्थकर यांनी केले.‎

कळंब शहरातील भैरवनाथ‎ निसर्ग मंडळ संचालित‎ डॉ.प्रतापसिंह पाटील यांच्या‎ मार्गदर्शनाखाली भैरवनाथ‎ अध्यापक विद्यालयाच्या सांस्कृतिक‎ सभागृहात क्रांती ज्योती सावित्रीबाई‎ फुले यांच्या १९२ जयंतीनिमित्त‎ प्रा.मोहिनी शिंदे-चोंदे यांच्या‎ अध्यक्षतेखाली मार्गदर्शनाचा‎ कार्यक्रम झाला.

यावेळी सावित्रीबाई‎ फुले उच्च माध्यमिक विद्यालयाच्या‎ माजी प्राचार्या मनोरमा‎ शेळके-भवर,विद्याभवन‎ विद्यालयाच्या उपक्रमशील शिक्षिका‎ राजमती बचाटे- तीर्थकर,भैरवनाथ‎ अध्यापक विद्यालयाचे प्राचार्य‎ सतिश मातने,भैरवनाथ औद्योगिक‎ प्रशिक्षण संस्थेचे प्राचार्य सुरज भांडे‎ हे प्रमुख पाहुणे होते.‎ पुढे बोलताना राजमती तीर्थकर‎ म्हणाल्या की,आजच्या पिढीने‎ शिक्षण घेत असताना क्रांती ज्योती‎ सावित्रीबाई फुले यांच्या विचाराचे‎ केवळ वाचन करून चालणार नाही‎ तर त्यांचे आचरण झाले तरच खऱ्या‎ अर्थाने जयंत्या पुण्यतिथी साजरा‎ केल्याचे सार्थक होईल.‎

या कार्यक्रमात भैरवनाथ‎ अध्यापक विद्यालयाचे प्राचार्य‎ सतीश मातने,विद्यालयातील सीमा‎ चोरघडे,वैष्णवी सुरवसे, संचिता‎ चोरघडे,साक्षी सोनवणे,श्रीकांत‎ धाकतोडे, गोविंद वावरे,तुकाराम‎ मिरगिणे,गिरीधर वावरे ह्या‎ विद्यार्थ्यांनी मनोगत व्यक्त केली. या‎ कार्यक्रमाचे सूत्रसंचालन अमर‎ काळे,प्रास्ताविक गिरीधर कवडे तर‎ आभार सुप्रिया चव्हाण यांनी मानले.‎

याप्रसंगी भैरवनाथ अध्यापक‎ विद्यालयाचे प्रा.श्रीकांत पवार,‎ सांस्कृतिक विभाग प्रमुख प्रा.‎ अविनाश घोडके, निदेशक सागर‎ पालके,निदेशक अविनाश‎ म्हेत्रे,निदेशक विनोद जाधव,अतिश‎ वाघमारे,विनोद कसबे यांची‎ उपस्थिती होती. या कार्यक्रमाची‎ सांगता राष्ट्रगीताने करण्यात आली.‎ शहर आणि जिल्हयात सर्वच‎ शाळा, महाविद्यालये तसेच‎ शासकीय कार्यालयांमध्ये‎ अभिवादन करण्यात आले.‎

बातम्या आणखी आहेत...