दिव्य मराठी विशेष:हजरत ख्वाजा सुलेमान उरूसास प्रारंभ‎

धाराशिव तालुक्यातील तेर येथील‎ हजरत खाजा सुलेमान रहे.अलै.यांच्या‎ उरूसास उत्साहात प्रारंभ झाला.‎ मंगळवार दि.१४ मार्च रोजी दरबार‎ मोहल्ल्यातून दोन मंडळाच्या वतीने‎ वेगवेगळ्या संदल मिरवणुकीस प्रारंभ‎ झाला. कोरोना महामारीनंतर पुन्हा तोच‎ उत्साह दिसून आला.‎ शेर ए हिंद ग्रुपच्या वतीने आयोजित‎ करण्यात आलेल्या संदल मिरवणूक‎ प्रसंगी धाराशिवचे माजी नगराध्यक्ष नंदू‎ राजे निंबाळकर, माजी सरपंच मुन्ना‎ खटावकर यांच्या डोक्यावर संदल‎ देऊन मिरवणुकीस प्रारंभ झाला.‎

यावेळी सोसायटीचे व्हा.चेअरमन,रतन‎ नाईकवाडी,अप्पासाहेब चोगुले,‎‎‎‎‎‎‎‎‎‎‎ ग्रा.पं.सदस्य बापू नाईकवाडी, अमोल‎ कसबे, अविनाश आगाशे, रणधीर‎ सलगर, रियाज कबीर,मकसूद काझी,‎ फैसल काझी, बाबुराव नाईकवाडी,‎ मंगेश पांगरकर आदीच्या प्रमुख‎ उपस्थितीमध्ये संदल मिरवणुकीस‎ प्रारंभ झाला.‎

बबलू मोमीन युवा मंचच्या वतीने‎‎‎‎‎‎‎‎‎‎‎ आयोजित करण्यात आलेल्या संदल‎ मिरवणुकीचा शुभारंभ भाजपाचे‎ जिल्हाध्यक्ष नितीन काळे तेरच्या‎ सरपंच दिदी काळे, उपसरपंच श्रीमंत‎ फंड, डॉ.बाबासाहेब आंबेडकर साखर‎ कारखान्याचे संचालक शिवाजीराव‎ नाईकवाडी ,पद्माकर फंड रूग्ण‎ कल्याण समितीचे सदस्य जुनेद मोमीन‎ पद्ममाकर फंड, माजी सरपंच नवनाथ‎ नाईकवाडी माजी उपसरपंच रविराज‎ चौगुले ,विठ्ठल लामतुरे,विलास रसाळ‎ जयेश कदम ग्रा.पं.सदस्य अजित‎ कदम, नवनाथ पसारे अभिमन्यू‎ रसाळ,, इर्शाद मुलाणी, शहाबाज‎ मुलाणी, जहांगीर कोरबू यांची प्रमुख‎ उपस्थिती होती‎ यावेळी मुस्लिम समाजातील‎ तरूणांनी विविध रंगाचे फेटे घालून‎ डी.जे तालावर नृत्य केले. संदल‎ मिरवणूक रात्री सुलेमान टेकडीवर‎ पोहोचली.‎ यावेळी बीट अमंलदार प्रदीप‎ मुरळीकर यांच्यासह ढोकी पोलिसांनी‎ चोख बंदोबस्त ठेवला होता. दरवर्षी तेर‎ येथे हा उत्सव होतो. सर्व धर्मांचे लोक‎ आवर्जून उपस्थित असतात.‎