दिव्य मराठी विशेष:निंबाळ्यात 523 ग्रामस्थांची आरोग्य तपासणी‎

तालुक्यात कलदेव निंबाळा ग्रामपंचायत‎ कार्यालयात गुरुवारी (दि.२) सास्तूर येथील स्पर्श‎ रुग्णालयाच्या वतीने आरोग्य शिबिर घेण्यात‎ आले. यामध्ये ५२३ महिला व पुरुषांची आरोग्य‎ तपासणी करण्यात आली. संबंधितांना‎ आवश्यकतेनुसार सल्ला देत उपचार करण्यात‎ आले.‎ स्पर्श ग्रामीण रुग्णालयात गरीब, गरजू व‎ एड्सग्रस्त रुग्णसेवा करत आरोग्य सेवा देण्यास‎ सुरुवात करण्यात आली आहे.

स्पर्श रुग्णालयात‎ शिस्तबद्ध नियोजन, उत्कृष्ट टीमवर्क, निगराणी,‎ देखरेख, रूग्ण व नातेवाइकांशी आस्थेवाईकपणा,‎ अद्ययावत विपुला माता, बाल संगोपन, नवजात‎ शिशु स्थिरीकरण कक्ष व सुसज्ज शस्त्रक्रियागार,‎ स्वच्छतेसह विविध दर्जेदार सेवा उपलब्ध आहे.‎ त्यामुळे परिसरातील ३०० गावातील बालकांसह‎‎‎‎‎‎‎‎‎‎‎‎ महिला पुरूष रुग्ण उपचारासाठी येतात. मोबाइल‎ व्हॅनद्वारा भूकंपग्रस्त गावातील नागरिकांची‎ आरोग्य तपासणी, सल्ला व उपचार करण्यात येत‎ आहे.

गुरुवारी कलदेव निंबाळा येथे गावातील १८‎ वर्षांवरील ५२३ महिला व नागरिकांची आरोग्य‎ तपासणी करण्यात आली. मोफत आरोग्य‎ तपासणीत रक्तदाब, मधूमेह व अन्य‎‎‎‎‎‎‎‎‎‎‎‎ आजारांवरील तपासणी करुन सल्ला व उपचार‎ करण्यात आले. उर्वरित सर्वच ग्रामस्थांची‎ तपासणी करण्यात येणार आहे. ग्रामपंचायत‎ कार्यालयात स्पर्श ग्रामीण रुग्णालयाच्या वतीने‎ आरोग्य तपासणी करण्यात आली.

तपासणीसाठी‎ डॉ. सुनिता चक्करवार, पल्लवी औटे, फार्मासिस्ट‎ कृष्णा यादव, अंजुम इनामदार, लॅब टेक्निशियन‎‎‎‎‎‎‎‎‎‎‎‎ अथर्व कुलकर्णी, आरोग्य सेविका शुभांगी‎ गायकवाड, मनोहर क्षीरसागर यांनी काम पाहिले.‎ सामाजिक कार्यकर्ते देविदास पावशेरे यांनी स्पर्श‎ रुग्णालयाचे आभार मानले. यावेळी भागवत‎ लढ्ढा, उत्तम सरवदे, नागनाथ बिराजदार,‎ गजराबाई ढोणे, चंपाबाई बलसुरे, मनोहर हिरवे‎ आदी उपस्थित होते.‎

रक्तदाब, मधूमेह, अन्य तपासणी‎
१८ वर्षांवरील ५२३ महिला व नागरिकांची‎ आरोग्य तपासणी करण्यात आली. मोफत‎ आरोग्य तपासणीत रक्तदाब, मधूमेह व अन्य‎ आजारांवरील तपासणी करुन सल्ला व‎ उपचार करण्यात आले. उर्वरित सर्वच‎ ग्रामस्थांची तपासणी करण्यात येणार आहे.‎ ग्रामपंचायत कार्यालयात स्पर्श ग्रामीण‎ रुग्णालयाच्या वतीने आरोग्य तपासणी केली.‎