दिव्य मराठी विशेष:धाराशिव नामकरणाची अंमलबजावणी एसटीपासून

‎केंद्र शासनाने गेल्या आठवड्यातच उस्मानाबाद‎ शहराचे नाव, धाराशिव करण्याच्या प्रस्तावावर‎ शिक्कामोर्तब केले आहेत. त्यानंतर सर्वात अगोदर‎ अंमलबजावणी महामंडळाकडून करण्यात येत‎ असल्याचे समोर आले. विशेष म्हणजे मंगळवारी‎ सायंकाळी आदेश येताच बुधवारी त्यानुसार‎ कारवाई सुरु करण्यात आली असून दुपारपर्यंत १५‎ पेक्षा अधिक बस गाड्यांवरचे आगाराचे नाव‎ बदलेले होते. वेळापत्रक आणि बस स्थानकाचेही‎ नाव बदलले असल्याचे दिसून आले.‎ राज्य शासनाने घेतलेल्या निर्णयावर केंद्र शासनाने‎ २४ फेब्रुवारी अंतिम शिक्कामोर्तब केले आहेत.‎

त्यानंतर राज्य शासनाने राजपत्र प्रसिद्ध केले होते.‎ त्यानंतर पुन्हा दुसरे आदेश काढून २७ मार्च नंतर‎ नामांतराची अंमलबजावणी करण्यात येणार‎ असल्याचे समोर आले. त्यासाठी ज्यांना या‎‎‎‎‎‎‎‎‎‎‎ नावावर सुचना, हरकती घ्यायच्या आहेत. त्यांना‎ एक महिन्याचा वेळ दिला आहे. विशेष म्हणजे‎ नामांतर करायच्या नंतरची सर्व प्रक्रिया‎ नियमानुसार करण्यासाठी शासनाने नागरिकांकडून‎ सुचना मागवल्या आहेत. परिणामी यासाठी एक‎ महिन्याचा अवधी लागणार आहे. त्यानंतरच यावर‎ अंतीम राजपत्र शासनाकडून प्रसिद्ध करण्यात‎ येणार असल्याचे संकेत मिळत आहेत.‎

कायमस्वरुपी नाव देणार‎
महामंडळाच्या इमारतीसह गाड्यांवरील‎ आगाराचे नाव तसेच गाड्यांच्या नावांच्या‎ पाट्या बदलण्यासाठी सद्या किंवा तत्काळ‎ अंमलबजावणी करण्यासाठी धाराशिव‎ नावाचे स्टिकर लावण्यात येणार आहे. नंतर‎ हळूहळू स्टिकर काढून कायमस्वरुपी हे‎ नाव राहण्यासाठी बॅनर किंवा पेंट करुन ते‎ नाव लिहीणार आहे. या सर्व कामांसाठी २०‎ हजार रुपये खर्च अपेक्षीत आहे.‎

शासनाकडून आदेश आले‎
शासनाकडून धाराशिव नावाची‎ अंमलबजावणी करण्यासाठी मंगळवारी‎ शासनाकडून आदेश आले आहेत.‎ त्यानंतर तातडीने आमच्याकडून‎ जिल्ह्यातील सर्व आगाराच्या बसेसच्या‎ पाटीवरील उस्मानाबादचे नाव धाराशिव‎ करण्याची सुचना दिली आहे. तसेच‎ इमारत आणि अन्य सर्व ठिकाणचे नाव‎ बदलण्यात येत आहेत.‎

गाड्यांवरील आगाराची नावे बदलली, स्टिकर्स तयार‎
आमच्या आगारातील ८६ पैकी ७०‎ बसेस सद्या आगारात असून दुपारपर्यंत १५‎ पेक्षा जास्त गाड्यांवरील आगाराचे नाव‎ बदलले. पाट्यांवरील नाव बदलण्यासाठी‎ स्टिकर तयार करण्यात आले आहे.‎ त्यामुळे दोन दिवसांत पाट्या आणि‎ गाड्यांवरील आगाराचे नाव बदलण्यात‎ आले आहेत.- हर्षल बलसोडे, आगार‎