उपक्रम:जकेकुरवाडी जि.प. विद्यार्थ्यांची क्षेत्र भेट‎

तालुक्यात जकेकुरवाडी येथील जिल्हा‎ परिषद प्राथमिक शाळेच्यावतीने सहशालेय‎ उपक्रमामधून विद्यार्थ्यानी क्षेत्र भेटीतून‎ धार्मिक व सांस्कृतिक माहिती श्री क्षेत्र‎ अचलबेट देवस्थान व ग्रामदैवत महादेव‎ मंदिरास क्षेत्र भेटी घेवून जाणून घेतली.‎ उमरगा शहराचे ग्रामदैवत असलेले‎ महादेव मंदिर हे प्राचीन काळातील‎ हेमाडपंती मंदीर असून या मंदिरात‎ हेमाडपंती बांधकामासह मंदिराच्या‎ गाभाऱ्यात ब्रम्हा, विष्णु व महेश तिनही‎ देवतांच्या मूर्ती आहेत.

शहरासह सीमावर्ती‎ भागात देवस्थान असल्याने हजारो‎ भाविकांचे श्रध्दास्थान ग्रामदैवत महादेव‎ मंदिर ठरले आहे. धार्मिक उत्सवा निमित्त‎ वर्षभरात विविध सांस्कृतिक व धार्मिक‎ कार्यक्रम होतात.मंदिराचे सर्व बांधकाम‎ प्राचीन असल्याने विद्यार्थ्यांनी काळ्या‎ दगडावर कोरलेल्या शिल्पाची पाहणी‎ करत माहिती जाणून घेतली. अचलबेट‎ देवस्थान हे तालुक्यातील तुरोरी व कराळी‎ परिसरात निर्सगरम्य ठिकाणी डोंगर‎ माथ्यावर भव्य व सीमावर्ती भागातील‎ गावातील भक्ती प्रचाराचं केंद्र म्हणून‎ सर्वश्रुत आहे.‎ सन १९७१ पूर्वी हे उजाड माळरान होते.‎ डोंगररांगेत आठशे वर्षा पुर्वीच्या गुहा‎‎‎‎‎‎‎‎‎‎‎‎‎‎‎‎‎ आहेत.

यामध्ये साधारणतः साठ वर्षापूर्वी‎ नाथपंथी सदगुरु प. पु. काशिनाथ महाराज‎ यांनी प्रस्थान केले.गुहेला तपोभूमी म्हणून‎ ओळख असून येथे पवित्रधुनी, गुरुगादी‎ आजतागायत सुरू असून गुहेत एकाच‎ वेळी जवळपास पाचशे व्यक्ती बसतील‎ अशी विस्तृत जागा आहे. गुहेत बाहेरच्या‎ वातावरणापेक्षा आतील तापमान वेगळे‎ असून कोणत्याही वातावरणात वायूची‎ सोय निसर्ग निर्मित आहे. जागृत धुनी,‎ तेजाची तेजोमय पूजा ही वैशिष्ट्ये आहेत.‎ विस्तीर्ण माळरानावर हिरवेगार झाडे,‎ विविध देव देवतांची मंदीरे, मोकळ्या‎‎‎‎‎‎‎‎‎‎‎‎‎‎‎‎‎ मैदानात फरशी, कट्टे, उजवीकडे पाच‎ मंदिर, भव्य सभामंडप, समाधी मंदिर असे‎ विलोभनीय स्थळांची पाहणी विद्यार्थ्यांनी‎ केली.

सांस्कृतिक विभाग प्रमुख प्रमोद मोरे‎ यांनी क्षेत्र भेटीत विद्यार्थ्यांना दोन‎ ठिकाणची माहिती दिली. यावेळी‎ विद्यार्थ्यांनी पाहणी करत माहितीच्या‎ आधारे नोंद टिप्पणी करून संकलित‎ करण्यात आले. यासाठी मुख्याध्यापक‎ बालाजी दुधनाळे, सहशिक्षक रघुवीर‎ आरणे, मल्लिकार्जुन कोळी, प्रमोद‎ साखरे, अमिता वाघवसे आदींनी सहकार्य‎ केले.‎