पोलिस‎ बंदोबस्त तैनात:भूम; अल्लमप्रभू यात्रेत‎ तगडा पोलिस बंदोबस्त‎

तालुक्यासह शहराचे ग्रामदैवत श्री ‎अल्लमप्रभू यात्रा महोत्सवासाठी‎ भूम पोलिस प्रशासनाद्वारे तगडा‎ पोलिस बंदोबस्त तैनात करण्यात‎ आला आहे. ग्रामदैवत अलमप्रभू‎ मंदिर यात्रा मार्गावर पोलिसांचा मोठा ‎फौजफाटा आहे.‎ श्री अलमप्रभू यात्रा महोत्सवात ‎कोणताही अनुचित प्रकार घडू नये. ‎तसेच या यात्रेला गालबोट लागू नये, म्हणून पोलिस प्रशासनाद्वारे पूर्ण ‎खबरदारी घेण्यात आली असून‎ संपूर्ण शहरात तगडा पोलिस‎ बंदोबस्त तैनात करण्यात आला‎ आहे.

यामध्ये पोलिस अधीक्षक डॉ.‎ अतुल कुलकर्णी यांच्या‎ आदेशावरून विभागीय पोलिस‎ उपअधीक्षक दिनकर डंबाळे यांच्या‎ मार्गदर्शनात भूम पोलिस ठाण्याचे‎ पोलिस निरीक्षक मंगेश साळवे‎ यांच्या मार्गदर्शनात पाच अधिकारी,‎ ७० पोलिस कर्मचारी व एक दंगल‎ नियंत्रण पथक तैनात करण्यात आले‎ ‎आहे. शहरातील ओंकार चौक ते‎ अलमप्रभू मंदिरापर्यंत‎ अधिकारी-कर्मचारी तैनात राहणार‎ असून, यामध्ये साध्या गणवेशात‎ काही पोलिस अधिकारी, पोलिस‎ कर्मचारी बारीक नजर ठेवणार‎ आहेत. तसेच प्रत्येक अधिकारी व‎ कर्मचारी यांना ठरवून दिलेल्या‎ हद्दीत कार्यरत राहावे लागणार आहे,‎ असे साळवे यांनी सांगितले.

‎भाविकांनी मौल्यवान‎ वस्तूंची काळजी घ्यावी‎
शहरातील श्री अल्लमप्रभू‎ यात्रेनिमित्त भाविक-भक्तांची मोठी‎ गर्दी होणार आहे. यावेळी भाविक‎ -भक्तांनी मौल्यवान वस्तू आणि‎ दागिन्यांची काळजी घ्यावी, तसेच‎ पाकिटमारांपासून सावधगिरी‎ बाळगावी. यादरम्यान काही‎ अनुचित प्रकार आढळून आल्यास‎ भूम पोलिस ठाण्यात संपर्क‎ साधवा.- मंगेश साळवे, पोलिस‎ निरीक्षक, भूम.‎