आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रशिक्षण:हासेगावात महिलाराज, ग्रामपंचायत घेणार मुलींचे शैक्षणिक पालकत्व‎

कळंब‎एका महिन्यापूर्वी
  • कॉपी लिंक

तालुक्यातील हासेगाव (के) येथे‎ मनिषा विलास पाटील या थेट‎ जनतेतून सरपंचपदी निवडून आल्या‎ आहेत. तसेच उपसरपंचपदीही रुपाली‎ प्रदीप खरडकर यांची निवड झाल्याने‎ गावात महिलाराज आले आहे.‎ हासेगाव (के) येथील पंचवार्षिक‎ निवडणुकीत बाळासाहेबांची शिवसेना‎ व भाजपचा जय हनुमान ग्राम विकास‎ पॅनल व सर्वपक्षीय नागेश्वर‎ ग्रामविकास पॅनलमध्ये सरळ लढत‎ झाली होती.

यामध्ये विलास पाटील‎ यांच्या नेतृत्वाखाली असणाऱ्या जय‎ हनुमान ग्राम विकास पॅनलच्या‎ सरपंचपदाच्या उमेदवार मनिषा पाटील‎ यांच्यासह पॅनलचे सात सदस्य‎ निवडून येत बहुमत प्रस्थापित केले.‎ नागेश्वर ग्रामविकास पॅनलचे फक्त‎ दोन सदस्य निवडून आले. गुरुवारी‎ (दि.५) उपसरपंच निवडीची प्रक्रिया‎ घेण्यात आली.

यामध्ये जय हनुमान‎ ग्रामविकास पॅनलकडून रुपाली प्रदीप‎ खरडकर तर नागेश्वर ग्रामविकास‎ पॅनलकडून रामेश्वर धुमाळ यांनी‎ नामनिर्देशनपत्र दाखल केले होते. यात‎ आठ मते घेऊन रुपाली खरडकर‎ यांनी विजय संपादन केल्याने त्या‎ उपसरपंच पदावर विराजमान झाल्या.‎ धुमाळ यांना फक्त दोन मते पडली.‎ निवडीनंतर नूतन सरपंच मनिषा‎ विलास पाटील, उपसरपंच रुपाली‎ प्रदीप खरडकर, लक्ष्मीबाई सोनटक्के,‎ महावीर सावळे, रामलिंग धुमाळ,‎ मीनाबाई धुमाळ, पार्वती चौरे, महादेव‎ यादव, संजीवनी खरडकर यांचा‎ सत्कार करण्यात आला.‎ तालुक्यात १५ महिला सरपंच‎ तालुक्यातील १५ ग्रामपंचायतींमध्ये‎ महिला सरपंच विराजमान झाल्या‎ आहेत. दरम्यान, हासेगावसह‎ तालुक्यातील आणखी दोन-तीन‎ ग्रामपंचायतींवर महिलाच विराजमान‎ झाल्या आहेत.‎

ग्रामपंचायत गावातील गुणवंत‎ मुलींना दत्तक घेणार‎
हासेगाव (के) येथील ग्रामपंचायतीत सरपंच व‎ उपसरपंच या महिला आहेत. त्यामुळे आम्ही‎ गावातील गुणवंत मुलींना ग्रामपंचायतीमार्फत दत्तक‎ घेऊन त्यांच्या शैक्षणिक खर्चाची जबाबदारी घेणार‎ आहोत. गावातील महिलांना उद्योगाचे प्रशिक्षण‎ देऊन महिलांचे सक्षमीकरण करण्याकडे लक्ष‎ असणार आहे. एमपीएससीचा अभ्यास करणाऱ्या‎ विद्यार्थ्यांसाठी अभ्यासिका कक्ष उभारण्यात येणार‎ आहे. गावाच्या सर्वांगीण विकासासाठी प्रयत्न‎ करणार. तसेच महिलांच्या आरोग्यासाठीही पावले‎ उचरणार. - मनिषा विलास पाटील, सरपंच.‎

बातम्या आणखी आहेत...