उपक्रम:मलंग विद्यालय, 16 विद्यार्थ्यांचे‎ स्काउट गाइडच्या परीक्षेत यश‎

‎शहरातील कै. शरणप्पा मलंग‎ विद्यालयाचे १६ विद्यार्थी राज्य‎ पुरस्कार परीक्षेत उत्तीर्ण झाले‎ आहेत. यशाबद्दल गुरूवारी‎ मुख्याध्यापक अजित गोबारे यांनी‎ यशस्वी विद्यार्थी व प्रशिक्षक‎ परमेश्वर कोळी यांचा सत्कार केला.‎ यावेळी शिक्षक राजकुमार जाधव,‎ अगतराव मुळे, सतीश कटके,‎ विवेकानंद पाचंगे, बालाजी हिप्परगे,‎ परमेश्वर सुतार, प्रभावती‎ बिराजदार, मीनाक्षी हत्ते, कलशेट्टी‎ पाटील, मोहन साखरे, दुष्यंत कांबळे‎ उपस्थित होते.‎ भारत स्काउट व गाइडच्या वतीने‎ विद्यार्थ्यांमध्ये शालेय शीस्त,‎ समाजसेवा, राष्ट्रभक्ती व नैतिक‎ मूल्यांचा विकास व्हावा. देशाच्या‎ रक्षणासाठी सैन्य व पोलिस दलाचे‎ प्रशिक्षण मिळावे, शौर्याची प्रेरणा‎ मिळावा, यासाठी सहशालेय उपक्रम‎ राबवला जातो.

राज्य, राष्ट्रीय व‎ आंतरराष्ट्रीय स्काउट व गाइड‎ शिबिरात सहभाग घेत यश संपादन‎ करणार्या विद्यार्थ्यांना पदक व‎ प्रमाणपत्र देऊन गौरवण्यात येते.‎ यामुळे विद्यार्थ्यांना दहावी व‎ बारावीच्या बोर्ड परीक्षेत वाढीव गुण‎ मिळतात.

तसेच संरक्षण दल, रेल्वे‎ भरती व इतर नोकरीत प्राधान्य‎ देण्यात येते. त्यामुळे स्काउट‎ गाइडला खूप महत्त्व आहे. कै.‎ शरणप्पा मलंग विद्यालयाचे‎ मुख्याध्यापक अजित गोबारे यांच्या‎ मार्गदर्शनात स्काउट व गाइड‎ प्रशिक्षक परमेश्वर कोळी‎ विद्यार्थ्यांना राष्ट्रीय सण-उत्सव,‎ समाजसेवा, सहशालेय उपक्रम‎ तसेच १५ ऑगस्ट व २६ जानेवारीचे‎ स्काउट व गाइड संचालन,‎ शासकीय शिबिरात सहभाग घेऊन‎ उत्कृष्ट कार्य करत आहेत.‎ आतापर्यंत या स्काउट गाइडचा लाभ‎ घेवून विद्यालयातील अनेक विद्यार्थी‎ शासकीय सेवा व सैन्य दलात भरती‎ होऊन देशसेवा करत आहेत.‎