पक्षांतर:मनसे जिल्हाध्यक्ष प्रशांत नवगिरे यांचा‎ भारत राष्ट्र समिती पक्षात प्रवेश‎, म्हणाले-चंद्रशेखर राव यांचे कार्य पाहून प्रेरीत

धाराशिव जिल्ह्यातही तेलंगणाचे मुख्यमंत्री ‎चंद्रशेखर राव यांच्या भारत राष्ट्र समिती पक्षाने‎ पाय रोवण्यास सुरुवात केली आहे. मनसेचे ‎ ‎जिल्हाध्यक्ष प्रशांत नवगिरे यांनी राव यांच्या ‎ निवासस्थानी समितीमध्ये प्रवेश केला आहे.‎ राव यांनी नांदेड जिल्ह्यातही मोठ्या प्रमाणात ‎कार्यक्रम घेतले आहेत. आता त्यांनी धाराशिव ‎ जिल्ह्यात प्रवेश करण्याचा प्रयत्न सुरू केला‎ आहे.

यामुळे त्यांच्या काही कार्यकर्त्यांनी‎ जिल्ह्यात चाचपणी सुरू केल्याचे समजते.‎ नवगिरे मागील २८ वर्षांपासून राज ठाकरे‎ यांच्यासोबत भारतीय विद्यार्थी सेनेपासून कार्य‎ करत होते. त्यांनी जिल्हा संघटक, महाराष्ट्र‎ नवनिर्माण एसटी कामगार सेनेचे राज्य उपाध्यक्ष‎ म्हणूनही कार्य केले आहे. मुख्यमंत्री चंद्रशेखर‎ राव यांची जनतेच्या विकासासाठी असलेली‎ दूरदृष्टी, प्रचंड इच्छाशक्ती व त्यांचे सर्वसामान्य‎ ‎ ‎ ‎ जनतेसाठी सुरू असलेले कार्य बघून प्रेरीत होत‎ प्रवेश केल्याचे नवगिरे यांनी सांगितले.

यापुढे‎ महाराष्ट्रात या पक्षाचे जाळे वाढवून पक्षसंघटन‎ वाढवणार असल्याचेही नवगिरे म्हणाले.‎ प्रवेशावेळी आमदार जीवन रेड्डी, चंद्रशेखर राव‎ यांचे विश्वासू प्रविण जेठेवाड, शंकरराव धोंडगे,‎ रणजीत देशमुख उपस्थित होते.‎