मिरवणुक:नळदुर्ग शिव- बसव-राणा जयंती‎ उत्साहात ,मिरवणुकीत मर्दानी खेळ‎

नळदुर्ग शहरात शिव--बसव--राणा‎ सार्वजनिक जन्मोत्सव समितीच्या‎ वतीने १३ मार्च रोजी छत्रपती‎ शिवाजी महाराज, महात्मा‎ बसवेश्वर महाराज व वीर महाराणा‎ प्रताप या महिन्यात तीन महापुरुषांची‎ एकत्रित भव्य मिरवणूक काढण्यात‎ आली. या मिरवणुकीत शेकडो‎ युवक व शिवप्रेमी नागरीक सहभागी‎ झाले होते.‎ शिव-बसव-राणा सार्वजनिक‎ जन्मोत्सव समितीच्या वतीने १० ते‎ १३ मार्च २०२३ या कालावधीत या‎ तीन महापुरुषांची जयंती साजरी‎ करण्यात आली. मिरवणुकीने या‎ जन्मोत्सव सोहळ्याची सांगता‎ झाली.

मराठा गल्ली येथून या‎ मिरवणुकीस प्रारंभ झाला. राष्ट्रवादी‎ काँग्रेसचे प्रदेश कार्यकारीणी सदस्य‎ अशोक जगदाळे व इतर‎ मान्यवरांच्या हस्ते या तिन्ही‎ महापुरुषांच्या प्रतिमेचे पूजन‎ झाल्यानंतर या मिरवणुकीस प्रारंभ‎ झाला. यावेळी गुलालाची उधळण‎ करण्यात आली. त्याचबरोबर‎‎‎‎‎‎‎‎‎‎‎‎‎‎‎ शोभेचे दारूकामही करण्यात आले.‎ मिरवणूक चावडी चौकात‎ आल्यानंतर भाजपचे मल्हार पाटील‎ यांनी तीनही महापुरुषांच्या प्रतिमेचे‎ पूजन करून त्यांना अभिवादन केले.‎ यावेळी भाजप कार्यकर्ते उपस्थित‎ होते. या मिरवणुकीतील मुख्य‎ आकर्षण ठरले ते सोलापुर येथील‎ जय भवानी संघाने दाखविलेले‎ मर्दानी खेळ. जय भवानी संघातील‎ युवक व युवतींनी दांडपट्टा फिरवणे,‎ लाठी फिरवणे यासह अनेक मर्दानी‎ खेळ दाखविले.‎‎‎‎‎‎‎‎‎‎‎‎‎‎‎ यावेळी नळदुर्ग पोलीस ठाण्याचे‎ सहायक पोलीस निरीक्षक सिद्धेश्वर‎ गोरे, पोलीस उपनिरीक्षक पवन‎ कुमार अंधारे ,जिविशाचे धनंजय‎ वाघमारे यांच्यासह पोलीस‎ कर्मचाऱ्यांनी बंदोबस्त ठेवला होता.‎ समितीचे अध्यक्ष विजयसिंह ठाकूर,‎ उपाध्यक्ष भिमाशंकर बताले, राकेश‎ गायकवाड, सचिव अक्षय भोई,‎ सहसचिव सागर कलशेट्टी,‎ कोषाध्यक्ष राहुल दासकर, प्रमोद‎ जाधव यांच्यासह शिवप्रेमी‎ नागरीकांनी परिश्रम घेतले.‎