उपक्रम:जिल्हा परिषद प्रशालेत गणित विषय‎ विभाज्यता घटकाची ऑलिंपिक स्पर्धा‎

गणित सुधार उपक्रम अंतर्गत‎ अध्ययन संस्था मुंबई आणि‎ प्राथमिक शिक्षण विभाग धाराशिव‎ यांचे संयुक्त विद्यमाने गुरूवारी (दि‎ २) जिल्हा परिषद प्रशालेत गणित‎ सुधार उपक्रम अंतर्गत गणित‎ विषयातील विभाज्यता या घटकाचे‎ ऑलिंपिक घेण्यात आले.‎ मुंबई अध्ययन संस्था व जिल्हा‎ प्राथमिक शिक्षण विभागाचे वतीने‎ घेण्यात आलेल्या गणित विषयातील‎ विभाज्यता या घटकाचे ऑलिंपिक‎ मध्ये यशस्वी शाळांना‎ मुख्याध्यापक पद्माकर मोरे यांचे‎ हस्ते ट्रॉफी व प्रमाणपत्र देत‎ गौरविण्यात आले. या उपक्रमांतर्गत‎ सर्वप्रथम मुलांची फ्री टेस्ट घेतली‎ जाते, त्यानंतर शिक्षकांना ट्रेनिंग‎ दिले जाते, ट्रेनिंग सोबतच‎ शिक्षकांना अध्ययनासाठी आणि‎‎‎‎‎‎‎‎ अध्यापनासाठी लागणारे साहित्य व‎ विद्यार्थ्यांसाठी कृतिपुस्तिका हे सुद्धा‎ अध्ययन संस्थेतर्फे सर्व शिक्षकांना‎ देण्यात आले होते.

हेच शिक्षक‎ आपापल्या शाळेत ट्रेनिंग‎ घेतल्याप्रमाणे अध्ययन करतात‎ त्यावेळेला त्या विद्यार्थ्यांमध्ये किती‎ फरक पडलेला आहे हे‎ पाहण्यासाठी एक महिन्यानंतर पोस्ट‎ टेस्ट घेतली जाते. त्या पोस्टमध्ये‎ सर्वात जास्त गुण मिळविलेल्या‎ प्रत्येक शाळेतून दहा-दहा‎ विद्यार्थ्यांची निवड करण्यात आली‎ होती. त्यातील निवड झालेल्या‎ तालुक्यातील २० शाळेतील दोनशे‎‎‎‎‎‎‎‎ मुलांची जिल्हा परिषद प्रशालेत‎ ऑलम्पिक घेण्यात आली.‎

या ऑलिम्पिकमध्ये जिल्हा‎ परिषद शाळा कोराळ येथील‎ विद्यार्थ्यांनी प्रथम क्रमांक‎ मिळविला. द्वितीय क्रमांक जिल्हा‎ परिषद प्राथमिक शाळा कलदेव‎ निंबाळा तर तृतीय क्रमांक जिल्हा‎ परिषद प्राथमिक शाळा नागराळ‎ यांनी उत्तेजनार्थ पारितोषिक जिल्हा‎ परिषद प्राथमिक शाळा येळीच्या‎ विद्यार्थ्यांनी पटकावला. बक्षीस‎ वितरणाप्रसंगी मुख्याध्यापक मोरे‎ यांनी अध्ययन संस्थेच्या कामाचे‎ कौतुक केले.‎