निवड:प्रल्हाद नागरगोजे पॅनेलचा एकतर्फी विजय‎

भूम तालुक्यातील जयवंतनगर येथील‎ प्रतिष्ठेची झालेल्या सेवा सहकारी‎ सोसायटीच्या निवडणुकीत कै प्रल्हाद‎ मारुती नागरगोजे यांच्या पॅनलचे १३ पैकी‎ ११ उमेदवार निवडून आले आहेत.‎ मागील ग्रामपंचायत अटीतटीची लढतीत‎ सात उमेदवारांमध्ये चार तीन अशी लढत‎ झाली होती ग्रामपंचायत फक्त सहा‎ मतामुळे ग्रामपंचायत मध्ये पराभव झाला‎ होता.‎

त्यामुळे सोसायटी निवडणूक चुरशीची‎ होणार असे बोलले जात होते तर‎ सोसायटीमधील १३ पैकी दोन जागा दोन‎ जागा इतर मागासवर्गीय प्रतिनिधी व‎ अनुसूचित जाती जमाती यांचे सभासद‎ नसल्यामुळे रिक्त राहिल्या. त्यामुळे‎ जयवंतनगर ची सेवा सोसायटी‎ निवडणूक तालुक्यामध्ये चर्चेचा विषय‎ बनली होती. सोसायटी स्थापनेपासून‎ प्रल्हाद नागरगोजे यांनी सोसायटीवर‎ वर्चस्व ठेवले होते.

एक वेळेस चा‎ अपवाद वगळता प्रत्येक वेळेस सोसायटी‎ निवडणूक बिनविरोध होती. परंतु दुसऱ्या‎ पॅनलच्या प्रमुख कडून सोसायटी मतदार‎ यादीतील सत्तर नावावर आक्षेप घेत ७०‎ मतदान वगळण्याच्या संदर्भात जिल्हा‎‎‎‎‎‎‎‎‎‎ सहाय्यक निबंधक संस्था यांच्याकडे‎ अपिल केले होते. निवडणूक निर्णय‎ अधिकाऱ्यांनी जयवंतनगर विविध‎ कार्यकारी सेवा सहकारी सोसायटी च्या‎ ७६ सदस्यांची नावे प्रारूप मतदार यादी‎ मधुन वगळण्याच्या निर्णयाच्या विरोधात‎ जयवंतनगर सोसायटीच्या ७० सदस्यांनी‎ ॲड. किशोर आर.डोके यांच्या मार्फत,‎ उच्च न्यायालयात आव्हान दिले होते.‎ औरंगाबाद उच्च न्यायालयाने दोन्हीं‎ बाजूंचा तसेच सरकार पक्षाचा आणि‎ जिल्हा निबंधक यांचे वकिलांचा‎ युक्तिवाद ऐकून ७० सदस्यांची नावे‎ बेकायदेशीर पद्धतीने वगळण्यात‎ आल्याबाबतचा, वादी चे वकील ॲड.‎ डोके यांचा युक्तिवाद मान्य केला आणि‎ जिल्हा निबंधक यांना त्या ७० सदस्यांची‎ नावे मतदार यादीमध्ये समाविष्ट‎ करण्याचे आदेश दिले.‎‎‎‎‎‎‎‎‎‎

त्यानंतर झालेल्या सोसायटी मतदानामध्ये‎ सुरेखा प्रल्हाद नागरगोजे नागरगोजे,‎ आशाबाई नागरगोजे, कविता नागरगोजे,‎ सोपान नागरगोजे, सदाशिव नागरगोजे‎ ,शंकर नागरगोजे, सुनिता नागरगोजे,‎ नवनाथ नागरगोजे, महादेवी नागरजोगे हे‎ सर्व उमेदवार ६० पेक्षा अधिक मताने‎ विजयी झाले. अॅड. रवींद्र नागरगोजे‎ यांच्या नेतृत्वाखाली सोसायटी मधील‎ भ्रष्टाचार हटाव पॅनेलचा दारुण पराभव‎ झाला.

प्रल्हाद नागरगोजे यांच्या पॅनलच्या‎ विजयासाठी कृषि उत्पन्न बाजार‎ समितीचे उपसभापती नामदेव नागरगोजे,‎ पुणे येथील युवा उद्योजक तुकाराम शेट‎ नागरगोजे, प्रवीण नागरगोजे, ग्रामपंचायत‎ सदस्य विनोद नागरगोजे, वसुदेव‎ नागरगोजे, शिवाजी नागरगोजे, सोपान‎ नागरगोजे, भीमराव नागरगोजे यांच्या‎ मार्गदर्शनाखाली लढवण्यात आली होती.‎