जागतिक‎ वन्यजीव दिन उत्साहात साजरा:पालक मेळावा व वन्यजीव दिनाचे आयोजन‎

तालुक्यात एकुरगा येथील श्री‎ शिवशक्ती विद्यालयात शुक्रवारी‎ (दि ३) पालक मेळावा व जागतिक‎ वन्यजीव दिन उत्साहात साजरा‎ करण्यात आला.‎ श्री शिवशक्ती विद्यालयातील‎ नववी मधून दहावीमध्ये प्रवेश‎ होणाऱ्या विद्यार्थ्यांच्या पालकांचा‎ मेळावा आयोजित केला होता. या‎ मेळाव्याच्या अध्यक्षस्थानी‎ मुख्याध्यापक प्रकाश बोंडगे होते.‎ यावेळी शिक्षक पालक संघाचे‎ उपाध्यक्ष राजेंद्र कुंभार उपस्थित‎ होते. पालक सभेमध्ये विविध‎ विषयावर चर्चा करण्यात आली.‎‎‎‎‎‎‎ यामध्ये वासंतिक वर्ग, इयत्ता दहावी‎ पुढील वर्षभराचे नियोजन, शंभर‎ टक्के वासंतिक वर्गासाठी‎ उपस्थिती, ४० टक्के अभ्यासक्रम‎ पूर्ण करणे, वर्ग तीन मार्च ते दहा मे‎ या कालावधीत घेणे, उन्हाळ्यात‎ सुट्टीत अभ्यास नियोजन,‎ गृहकार्याचे वेळापत्रक, घर,‎ शेतीतील इतर कामे कमी करून‎ अभ्यासासाठी जास्तीत जास्त वेळ‎ देणे, शैक्षणिक साहित्य उपलब्धता,‎‎‎‎‎‎‎ पालकांनी किमान १५ दिवसातून‎ एकदा शाळेत येऊन सर्व‎ शिक्षकांच्या भेटी घेऊन पाल्याच्या‎ प्रगती विषयी चर्चा करावी हे विषय‎ मांडण्यात आले.

यावेळी महेश‎ लिंबाळे, मुरशद अफसर, गोविंद‎ कारे, पांडुरंग बोंडगे, शिवाजी‎ बोंडगे, मीनाक्षी कुनाळे आदि‎ पालकांनी सहभाग नोंदवला.‎ दरम्यान जागतिक वन्य जीव दिन‎ साजरा करताना वन्य प्राण्यांचे‎ पर्यावरण संतुलन हा कार्यक्रम‎ झाला. यामध्ये सहभाग, नामशेष‎ होत चाललेले विविध वन्य प्राणी व‎ त्यांच्या संरक्षणाची भावी नागरिक‎ म्हणून विद्यार्थ्यांची जबाबदारी,‎ कोणत्याही प्राण्यांना विनाकारण‎ त्रास देणार नाही, कोणत्याही‎ प्राण्यांची शिकार करणार नाही,‎ त्यांच्या संरक्षणाची पूर्णपणे‎ जबाबदारी वैयक्तिक आमची‎ सर्वांची असेल अशा पद्धतीची‎ शपथ विद्यार्थ्यांनी घेतली. अजित‎ साळुंके यांनी सूत्रसंचालन केले.‎ शिक्षक धनराज पाटील यांनी सर्व‎ उपस्थित व मान्यवरांचे आभार‎ मानले. यावेळी शिक्षक व कर्मचारी,‎ विद्यार्थी व पालक उपस्थित होते.‎