मार्गदर्शन:उमरग्यात जन औषधी दिनाचे आयोजन‎

‎शहरात उपजिल्हा रुग्णालयात सार्वजनिक‎ आरोग्य विभाग धाराशिव यांच्या‎ सूचनेनुसार जन औषधी दिवस सात मार्च‎ निमित्ताने सोमवारी (६) उच्च रक्तदाब व‎ मधुमेह मोफत औषधोपचार वैद्यकीय‎ अधिक्षक डॉ विनोद जाधव यांच्या‎ मार्गदर्शनखाली घेण्यात आला.‎ जन औषधी दिवसानिमित्त उपजिल्हा‎ रुग्णालयात आलेल्या उच्च रक्तदाब व‎ मधुमेह रुग्णांना उपचाराचे पालन करणे व‎ फायदे यावर सामुदायिक समुपदेशन व‎ मार्गदर्शन करण्यात आले.

वैद्यकिय‎ अधीक्षक डॉ जाधव,वैद्यकीय अधिकारी‎ डॉ प्रवीण जगताप, डॉ जगन्नाथ कुलकर्णी‎ यांच्या मार्फत रुग्णांना मोफत गोळ्या वाटप‎ करण्यात आले. यावेळी बोलताना डॉ‎ जाधव म्हणाले की, मधुमेह, रक्तदाबाशी‎ संबंधित समस्या यासारख्या आजारांनी‎ पीडित रुग्णांची संख्या दिवसेंदिवस वाढत‎ आहे.

मधुमेह आणि उच्च रक्तदाब या‎‎‎‎‎‎‎‎‎‎‎‎ दोन्ही व्याधी आयुष्यभर सोबत राहतात.‎ प्रत्येकी तीन नागरिकांपैकी एक जण उच्च‎ रक्तदाबाच्या समस्येशी झुंजत असल्याचे‎ समोर आले आहे. काही वर्षांपूर्वीपर्यंत‎ उच्च रक्तदाब हा फक्त वृद्ध नागरिकांनाचा‎ आजार समजला जायचा. आता मात्र, २०‎ ते २२ वर्षांचे युवक सुद्धा उच्च रक्तदाबाने‎ पीडित असल्याचे दिसून येते.‎ रक्तवाहिन्यांच्या माध्यमातून शरीरातील‎ विविध अवयवांना रक्तपुरवठा होत‎ असतो. रक्तवाहिन्यांमधून ज्या गतीने रक्त‎ वाहते त्याला रक्तदाब म्हणतात. सुदृढ‎ व्यक्तीच्या शरीरातील रक्ताभिसरणाचा‎ वेग १२०/८० असा असतो तर १२०/८० ते‎ १३९/८९ हा रक्ताभिसरणाचा वेग सामान्य‎ समजला जातो.

व्यक्तिपरत्वे रक्तदाबाची‎ सामान्य स्थिती वेगवेगळी राहू शकते.‎ त्यामुळे रक्तदाबाची समस्या निर्माण‎ होण्यापूर्वी काळजी घेतली तर अनेक‎ समस्या टळू शकतात. दैनंदिन‎ जीवनशैलीमध्ये थोडेसे बदल केले तर‎ रक्तदाब अन त्यापासून निर्माण होणाऱ्या‎ इतर समस्यांवर नियंत्रण ठेवता येऊ शकते.‎ असे सांगितले. जेनेरिक मेडिकल दिवस‎ महत्त्व सांगून रक्तदाब, मधुमेह, कॅन्सर व‎ मोतीबिंदू शस्त्रक्रिया या सर्वांची‎ रुग्णालयात भेटणाऱ्या सुविधांची माहिती‎ देण्यात आली. यावेळी दोनशेहून अधिक‎ रुग्ण सहभागी झाले होते. यावेळी डॉ‎ इनामदार, डॉ संतोष कांबळे, समुपदेशक‎ पूजा बायस, अधिपरिचारीका राखीताई‎ वाले, परिसेविका अफसर तांबोळी,सुभद्रा‎ गाढवेसह उपस्थित होते.‎