कार्यशाळेचे आयोजन:उद्योजकता विकास विषयावर‎ कार्यशाळेचे आयोजन‎

येथील रामकृष्ण परमहंस‎ महाविद्यालयात डॉ. बाबासाहेब‎ आंबेडकर मराठवाडा विद्यापीठ‎ आणि रामकृष्ण परमहंस‎ महाविद्यालय, उस्मानाबाद यांच्या‎ संयुक्त विद्यमाने दोन दिवसीय‎ उद्योजकता विकास या विषयावर‎ कार्यशाळेचे आयोजन करण्यात‎ आलेले आहे.‎ या कार्यशाळेच्या उद्घाटन प्रसंगी‎ उस्मानाबाद येथील जिल्हा कौशल्य‎ उद्योग विकास येथील सहाय्यक‎ आयुक्त संजय गुरव हे प्रमुख पाहुणे‎ म्हणून लाभले होते.‎ याप्रसंगी ते म्हणाले की, आजच्या‎ तरुण पिढीने नोकरीच्या मागे न‎ पडता नोकरी देणाऱ्यामध्ये जाऊन‎ बसावे.

कारण कोणतीही नोकरी‎ मिळवायची असेल तर स्पर्धा‎ परीक्षेला सामोरे जावे लागते आणि‎ स्पर्धा परीक्षेचे स्वरूप हे दिवसेंदिवस‎ बदलत चाललेले आहे. कठीण होत‎ चालले आहे.त्यामुळे कमी वयामध्ये‎ आपण आपले स्वप्न पूर्ण करावयाचे‎ असेल तर उद्योग व्यवसायाकडे‎ वळले पाहिजे. तरच पुढील‎ आयुष्यात याचा तरूणांना फायदा‎ होऊ शकतो. कार्यक्रमाचे अध्यक्ष‎ महाविद्यालयाचे प्राचार्य‎ डॉ.जयसिंगराव देशमुख हे होते.‎ त्यांनी अध्यक्षीय मनोगत व्यक्त‎ करताना वाणिज्य विभागातील‎ विद्यार्थी मोठ्या प्रमाणात उद्योजक‎ तयार व्हावेत यासाठी सदर‎ कार्यशाळेचे आयोजन करण्यात‎ आले असल्याचे सांगितले.‎ कार्यक्रमाचे सूत्रसंचलन प्रा.सुप्रिया‎ शेट्टी यांनी केले, प्रास्ताविक प्रा.‎ बालाजी नगरे यांनी केले,तर आभार‎ डॉ. अवधूत नवले यांनी मानले.‎