क्रीडा स्पर्धांचे आयोजन‎:कळंब येथे क्रीडा संकुलात आज राज्यस्तरीय‎ शालेय आट्यापाट्या क्रीडा स्पर्धांचे आयोजन‎

महाराष्ट्र शासन क्रीडा व युवक सेवा ‎संचालनालय, महाराष्ट्र राज्य, पुणे जिल्हा ‎क्रीडा परिषद व जिल्हा क्रीडा अधिकारी ‎कार्यालय यांच्या संयुक्त विद्यमाने कळंब‎ येथे राज्यस्तरीय शालेय आट्यापाट्या‎ क्रीडा स्पर्धा चे आयोजन ६ फेब्रुवारी रोजी ‎करण्यात आले आहे. कळंब मध्ये‎ चौथ्यांदा राज्यस्तरीय शालेय‎ आट्यापाट्या क्रीडा स्पर्धा होत आहेत.‎ सायंकाळी ५ वाजता कळंब येथील‎ तालुका क्रीडा संकुल येथे उद्घाटन‎ समारंभ होणार असून कार्यक्रमाचे अध्यक्ष‎ व उद््घाटक सार्वजनिक आरोग्य व कुटुंब‎ कल्याण मंत्री तथा पालकमंत्री डॉ. तानाजी‎ सावंत असणार आहेत. प्रमुख पाहुणे‎ खासदार ओमप्रकाश राजेनिंबाळकर,‎ आमदार कैलास घाडगे पाटील, कळंब‎ प्रभारी उपविभागीय अधिकारी नरसिंग‎ जाधव, उपसंचालक, क्रीडा व युवक‎ सेवा, लातूर विभागाचे सुधीर मोरे,‎ महाराष्ट्र राज्य आट्यापाट्या महामंडळाचे‎ सचिव दिपक कविश्वर, तहसीलदार‎ मनिषा मेने, श्री शिवछत्रपती राज्य‎ पुरस्कारार्थी गंगासागर शिंदे, अर्जुन‎ पुरस्कारार्थी तथा तालुका क्रीडा‎ अधिकारी, सारिका काळे, नगर परिषद‎ मुख्याधिकारी शैला डाके, यांच्या प्रमुख‎ उपस्थिती असणार आहे. यावेळी उपस्थित‎ राहण्याचे आवाहन जिल्हा क्रीडा‎ अधिकारी श्रीकांत हरनाळे यांनी केले‎ आहे.‎

मराठी मातीतला मध्ययुगीन‎ शिवकालीन इतिहास असलेला‎ महाराष्ट्राच्या अनेक खेड्यामध्ये खेळला‎ जाणारा सूर पाटी नावाने ओळखला‎ जाणारा आटपाट्या हा खेळ भारतीय‎ आट्यापाट्या महासंघाच्या माध्यमातून‎ नवीन नियमानद्वारे १९८६ पासून महाराष्ट्र व‎ देशातील २२ पेक्षा जास्त राज्यांमध्ये‎ खेळला जातो. या खेळाच्या अधिकृत‎ संघटनेमार्फत राज्य , राष्ट्रीय व दक्षिण‎ आशियाई स्पर्धा ही दरवर्षी पार पडतात.‎ गेल्या पाच वर्षापासून महाराष्ट्र राज्य‎ सरकारने शालेय क्रीडा व युवक सेवा‎ संचलनाच्या माध्यमातून अधिकृतपणे या‎ शालेय स्पर्धा घेण्यास सुरुवात केली आहे‎ भसरतीय खेळांना प्राधान्य देण्यासाठी या‎ स्पर्धा आयाेजित केल्या जातात.‎

मुंबई , पुणे , कोल्हापूर,लातूर , नाशिक, औरंगाबाद '' अमरावती , नागपूर या आठ‎ विभागातून ३६ जिल्ह्य़ातील एकून संघ ४८ संघ सहभागी होणार आहेत. यामध्ये खेळाडू‎ ५७६ असणार आहेत, संघ व्यवस्थापक ४८, मार्गदर्शक ४८, पंच ३०,अधिकारी १०, स्वयं‎ सेवक ५० पेक्षा जास्त असणार आहेत.कळंब तालुक्यातील ही पाचवी स्पर्धा आहे, यापूर्वी‎ २०१४ मध्ये विद्याभवन हायस्कूल, सन २०१६ मध्ये जवळा (खुर्द) येथे, सन २०१९ मध्ये‎ रणसम्राट महाविद्यालय येथे झाल्या. आणि यंदाच्या वर्षी तालुका क्रीडा संकुल कळंब येथे‎ होत आहे.‎