कार्यक्रमांचे आयोजन‎:जागतिक पाणथळ दिनी कार्यक्रमांचे आयोजन‎‎

पाणथळ’ जागांमुळेच शेती, पशुपालन,‎ मत्स्यपालन व इतर शेतीपूरक व्यवसायांची‎ भरभराट झाली आहे. पाण्याचे‎ नैसर्गिकरित्या शुध्दीकरण करणे, पाण्याची‎ गुणवत्ता शुद्ध राखणे, पर्यावरणाचे संतुलन‎ राखणे, जमिनी ची सुपीकता वाढविणे,‎ नैसर्गिकरित्या शेतजमिनीत सेंद्रीय घटकांचे‎ संतुलन राखणे असे फायदे यामुळे होतात‎ असे प्रतिपादन मुख्याध्यापक प्रकाश बोंडगे‎ यांनी केले.‎ तालुक्यातील एकुरगा येथील श्री‎ शिवशक्ती विद्यालयामध्ये गुरूवारी (०२)‎ जागतिक पाणथळ दिवस साजरा करण्यात‎ आला. त्यावेळी ते बोलत होते.

यावेळी‎ सामाजिक वनीकरण विभागाचे वनसेवक‎‎‎‎‎‎‎‎‎‎ व्यंकटराव पाटील, दयानंद करके, विष्णू‎ कांबळे उपस्थित होते.ते पुढे बोलताना‎ म्हणाले की, विद्यार्थ्यांना जागतिक पाणथळ‎ क्षेत्र दिवस दरवर्षी दोन फेब्रुवारीला सर्वत्र‎ साजरा केला जातो.

हा दिवस साजरा‎ करण्या मागचा उद्देश म्हणजे लोकांमध्ये‎ पाणथळ प्रदेशांची पृथ्वीसाठी महत्त्वाची‎ भूमिका याबद्दल जागरूकता निर्माण करणे.‎‎‎‎‎‎‎‎‎‎ सर्वसामान्यांना निसर्गासाठी पाणथळ‎ प्रदेशाचे महत्त्व ओळखण्यासाठी संधी देणे‎ म्हणून हा दिवस विद्यालयात पाणथळ दिन‎ साजरा करण्यात आला. वनसेवक व्यंकट‎ पाटील, दयानंद करके, विष्णू कांबळे यांने‎ विद्यालय परिसरातील वृक्षांवर पक्ष्यांना‎ पाणी पिण्यासाठी प्लास्टिकच्या वाट्या‎मध्ये पाणी भरले.‎