उपक्रम:महिलांसाठी गर्भ संस्कार‎ शिबिराचे आयोजन‎

जीवनात यश संपादन करण्यासाठी‎ अनेक संघर्ष करावे लागत असतात,‎ त्यात महिला म्हटले की, अनेक‎ अडचणी समोर उभ्या असतात.‎ अशातून ही रुग्ण सेवा देत‎ सामाजिक बांधिलकीतून गरीब,‎ गरजू आणि एकल विधवा महिलांना‎ मदतीचा हात देवून महिला अबला‎ नसून सबला असल्याचे दाखवून‎ देत डॉ. ॲड. कुंती जाधव शहर व‎ ग्रामीण भागातील महिलांच्या‎ सबलीकरणासाठी विविध‎ उपक्रमातून प्रयत्न करीत आहेत.‎ जागतिक महिला दिनाचे‎ औचित्य साधून शहर व ग्रामीण‎ भागातील महिलांसाठी शनिवारी‎ (११) गर्भ संस्कार शिबीर घेण्यात‎ आले. शिबिराचे उदघाटन‎ मान्यवरांच्या उपस्थितीत संपन्न‎ झाले.यावेळी डॉ भारती‎ देसाई-मडवई, डॉ गायत्रीताई‎ वानखेडे, लताताई‎ हसनाळकर,शोभा राजूरकर,‎ नलिनीताई बिराजदार, भार्गवी‎ दीक्षित, ज्योती वरखिंडे, रंजना‎ मानुरे, सविता चंदूरवाड, मीराताई‎ मोरे आदी उपस्थित होत्या.‎

ॲड. डॉ. कुंती जाधव‎ प्रास्ताविकात म्हणाल्या, केवळ‎ आपल्या स्वतःसाठी नाहीतर‎ समाजातील गरजू, गरीब आणि‎ विधवा महिलासाठी एक महिला‎ म्हणून कार्य करताना समाजातील‎ शेवटच्या घटकातील सर्वसामान्य‎ महिलांच्या जीवनात एक आशेचा‎ किरण निर्माण करण्यासाठी‎ सुशिक्षित महिलांनी जगले पाहिजे.‎ सामाजिक बांधिलकी जोपासून‎ स्वतःच्या कुटुंबासोबतच इतरांच्या‎ सुख दु:खात सहभागी होवून एक‎ आधार देण्याची गरज आहे. बाळ हे‎ गर्भाशयात असतानाच त्यात‎ सद्गुण, नैतिक मूल्ये व संस्कारांचे‎ बीज रोपणे याला गर्भसंस्कार‎ म्हणतात. आईच्या आणि बाळाच्या‎ सुखकर व आनंददायी प्रवासासाठी‎ या मोफत गर्भ संस्कार शिबिरात‎ सहभागी होवून संस्कारित पिढी‎ घडवण्यासाठी लाभ घ्यावा असे‎ आवाहन केले. डॉ भारती देसाई‎ म्हणाल्या, बाळाची मानसिकता‎ घडविणाऱ्या मज्जासंस्थेचा पाया‎ गर्भावस्थेतच रचला जात असतो.‎ मुलाचे आरोग्य, वर्तन, स्वभाव‎ आणि त्याच्या संपूर्ण आयुष्याची‎ दिशा ठरविणारी ही एक अत्यंत‎ निर्णायक अवस्था असते. नऊ‎ महिन्यांच्या काळात स्त्रीला येणाऱ्या‎ शारीरिक, मानसिक व वेगवेगळ्या‎ त्रासांना सामोरे जावे लागते. या‎ समस्येवर योगसाधनेतून मात करता‎ येईल. बाळाच्या जन्मासाठी आणि‎ सुलभ प्रसूतीसाठी योगसाधने‎ शिवाय पर्याय नाही. आसन‎ प्राणायामाबरोबरच बुद्धिमत्ता,‎ स्मरणशक्ती, स्पष्ट आवाज,‎ तेज:पुंज क्रांतीसाठी उपयुक्त साधना‎ याबाबत समजावून सांगितली.‎