आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शासन परिपत्रक:उस्मानाबाद वेतन पडताळणी 26 पासून ; मूळ सेवा पुस्तकांची पडताळणी करण्यात येणार

उस्मानाबाद4 दिवसांपूर्वी
  • कॉपी लिंक

सातव्या वेतन आयोगाप्रमाणे पडताळणी करण्यासाठी वेतन पडताळणी पथक औरंगाबादेत येत आहे. लातूर, उस्मानाबाद, परभणी, हिंगोली व नांदेड जिल्हा व तालुकास्तरावरील सर्व कार्यालयांसाठी २६ ते ३० नोव्हेंबर, तर औरंगाबाद, जालना, बीड जिल्ह्यातील व तालुकास्तरीय सर्व कार्यालयांसाठी २२ ते २५ नोव्हेंबर या कालावधीत मूळ सेवा पुस्तकांची पडताळणी करण्यात येणार असल्याचे औरंगाबादच्या लेखा व कोषागारे विभागाचे सहसंचालक उत्तम सोनकांबळे यांनी कळविले आहे. दौऱ्याचे ठिकाण औरंगाबादचे वेतन पडताळणी पथक कार्यालय असणार आहे.

औरंगाबाद मुख्यालयी दौऱ्याच्या ठिकाणी ३१ मार्च २०२३ पर्यंत सेवानिवृत्त होणारे व झालेले अधिकारी तसेच कर्मचारी तसेच न्यायालयीन, मयत, लोकायुक्त प्रकरणे यांचे मूळ सेवापुस्तके प्राधान्याने निकाली काढण्याच्या दृष्टीने दौरा कार्यक्रम आयोजित केला आहे. मराठवाडा विभागातील सर्व कार्यालय प्रमुख यांनी त्यांच्या कार्यालयातील ३१ मार्च २०२३ पर्यंत सेवानिवृत्त होणार व झालेले अधिकारी व कर्मचारी यांची मूळ सेवापुस्तके पडताळणीसाठी प्राधान्याने दाखल करावीत,असे आवाहनही सोनकांबळे यांनी केले आहे.

सेवापुस्तकात २० जानेवारी २००१ च्या वित्त विभागाच्या शासन परिपत्रकानुसार विहित जोडपत्र सेवा पुस्तकात जोडणे आवश्यक आहे. सेवा पुस्तके पडताळणीसाठी दाखल करताना वित्त विभागाच्या १४ मे २०१९ रोजीच्या शासन निर्णयानुसार वेतनिका प्रणालीमार्फत वेतन पडताळणी पथकाकडे तपासणीसाठी सादर करावयाचे आहे. त्याशिवाय मूळ सेवापुस्तके स्वीकारली जाणार नाहीत, याची नोंद घ्यावी. अधिकारी, कर्मचारी यांनी सेवाज्येष्ठतेनुसार मिळालेली प्रत्यक्ष पदोन्नती नाकारलेली असल्यास तसेच कालबद्ध आश्वासीत प्रगती योजनेचा लाभ दिलेल्या अधिकारी तसेच कर्मचारी यांनी त्यानंतर प्रत्यक्ष दिलेली पदोन्नती नाकारली असल्यास त्याबाबतची नोंद त्यांच्या मूळ सेवा पुस्तकात घेणे आवश्यक असल्याचेही श्री. सोनकांबळे यांनी कळविले आहे.

बातम्या आणखी आहेत...