आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

निवड:पांगरदरवाडी उपसरपंचपदी‎ सोमनाथ शिंदे बिनविरोध‎

तामलवाडी‎24 दिवसांपूर्वी
  • कॉपी लिंक

तुळजापूर तालुक्यातील‎ पांगरदरवाडी ग्रामपंचायतच्या‎ उपसरपंचपदी सोमनाथ शिंदे यांची‎ बिनविरोध निवड करण्यात आली‎ असून तरुणांच्या हाती एकहाती‎ सत्ता आली आहे. गुरुवार दि.५‎ जानेवारी रोजी सरपंच सिंधू कृष्णात‎ पोफळे यांच्या अध्यक्षतेखाली ही‎ निवड प्रक्रिया पार पडली.‎ निवडणूक निर्णय अधिकारी म्हणून‎ बी.एल.वाघमारे व ग्रामसेविका‎ महादेवी गलांडे यांनी कामकाज‎ पहिले. पांगरदरवाडी‎ ग्रामपंचायतच्या १० जागेसाठी १८‎ डिसेंबरला मतदान घेण्यात आले‎ होते. या निवडणुकीमध्ये भाजप,‎ काँग्रेस, शिवसेना पुरस्कृत पॅनलने‎ १० जागेवर विजय मिळवत एकहाती‎ सत्ता मिळवली आहे.

सलग तीन‎ वेळा कायम सत्तेत असणाऱ्या‎ मातब्बर नेत्यांना तरुणांनी पराभवाची‎ धुळ चारली. शासनाच्या मिळणाऱ्या‎ प्रत्येक योजनेचा लाभ हा गावातील‎ प्रत्येक गोर गरीब गरजू कुटुंबापर्यंत‎ पोचवण्यास कायम कटिबद्ध असून‎ गावकऱ्यांनी दाखवलेल्या‎ विश्वासाबद्दल आपण कायम ऋणी‎ असल्याची प्रतिक्रिया नवनिर्वाचित‎ उपसरपंच सोमनाथ शिंदे यांनी‎ दिली.

यावेळी सरपंच सिंधु कृष्णाथ‎ पोफळे, सोमनाथ ज्ञानदेव शिंदे,‎ किरण गणेश गायकवाड, अमृपाली‎ बाळासाहेब डोंगरे, लक्ष्मण मोहन‎ क्षीरसागर, सावित्रा सोमनाथ शिंदे,‎ तुळसाबाई धनाजी शेळके, सोनाली‎ महेश सावंत, बापू शिवाजी साळुंके,‎ आलीफ रफिक सय्यद या‎ सदस्यांचा पॅनेल प्रमुखांच्या वतीने‎ सत्कार करण्यात आला.‎

बातम्या आणखी आहेत...