दिव्य मराठी विशेष:फार्मसी विद्यार्थ्यांची औद्योगिक क्षेत्राला भेट‎

शिवाई चॅरिटेबल ट्रस्ट संचलित‎ कॉलेज ऑफ फार्मसी कोरेगाववाडी‎ येथील औषधनिर्माणशास्त्र पदवी‎ द्वितीय वर्ष व पदविका द्वितीय‎ वर्षातील विद्यार्थ्यांनी शनिवारी‎ (११) औद्यागिक क्षेत्र भेट घेतली.‎ उमरगा जकेकुर-चौरस्ता येथील‎ औद्यागिक वसाहतीतील एस एच के‎ केमटेक इंडस्ट्रीज व कर्ण‎ ऑक्सिजन प्लांट येथे भेट देवून‎ विद्यार्थ्यांना विविध औद्यागिक‎ केंद्रांना लागणारे साहित्य,‎ औद्यागिक क्षेत्रातील कच्चा माल‎ अन पक्का माल ट्रान्सपोर्ट, ठोक‎ विक्री,किरकोळ विक्री आदी बाबत‎ सखोल माहिती घेवून प्रत्यक्षपणे‎ पाहावयास मिळाली. तसेच उद्योग‎ उभारण्यासाठी लागणारी‎ साधनसामुग्री, आर्थिक नियोजन‎‎‎‎‎‎‎‎‎‎ याबद्दल अधिक माहिती देण्यात‎ आली.

या भेटी दरम्यान अनेक‎ औद्योगिक कंपन्यातील वेगवेगळ्या‎ उत्पादनांसाठी चालणाऱ्या‎ कार्यप्रणाली अगदी जवळून‎ निरीक्षण केल्याने विद्यार्थ्यांना‎ वेगवेगळ्या उपकरणाचे तसेच‎ कार्याची माहिती घेता आली.‎ औद्योगिक परिसरात मशीन टुल्स,‎ वेगवेगळ्या साईजच्या स्प्रिंगचे‎ उत्पादन होते. विद्यार्थ्यांनी‎ वेगवेगळ्या विभागांची व प्रोसेस‎‎‎‎‎‎‎‎‎‎ जसे हिट ट्रिटमेंट, क्वॉलिटी चेकिंग,‎ पॅकेजिंग व इतर बाबींची माहिती‎ घेतली.फुड प्रोडक्ट्समध्ये विविध‎ प्रकारच्या साहित्याचे उत्पादन केले‎ जाते. यामध्ये विद्यार्थ्यांनी प्रोसेसची‎ सुरुवात व त्याचे पूर्ण प्रोडक्ट्समध्ये‎ रुपांतर या बाबींचा अभ्यास व‎ निरीक्षण केले. कोल्डस्टोरेज‎ शीतगृहाच्या कार्यप्रणाली अभ्यास‎ करतांना रेफ्रिजरेशन व एअर‎ कंडिशनिंग च्या प्रात्याक्षिकासह‎ माहिती विद्यार्थ्यांनी घेतली.‎

माहिती जाणून घेतली‎
कॉलेज ऑफ फार्मसी‎ औषधनिर्माणशास्त्र पदवीका प्रथम‎ वर्षातील विद्यार्थ्यांनी शहरातील‎ आरोग्यनगर येथील मेडिकल‎ एजन्सीला भेट देत विविध रोगावर‎ औषधी गोळ्या, पेय,‎ शस्त्रक्रियेसाठी लागणारे साहित्य,‎ विविध उपचारासाठी लागणारी‎ उपकरणे आदी बाबतची माहिती‎ विद्यार्थ्यांनी जाणून घेतली.‎ औषधांची ठराविक जागा, त्यात‎ विशिष्ट तापमानामध्ये ठेवण्यात‎ येणारी औषधे, औषधांची विक्री,‎ पॅकिंग, वाहतुक याविषयी‎ विद्यार्थ्यांनी प्रश्न विचारले. प्राचार्य‎ महेश कदारे,प्रा अजय बेडदुर्गे‎ यांच्यासह मंगेश भोकरे, प्रा.वैष्णवी‎ फुगटे, प्रा. प्राजक्ता ननावरे, प्रा.‎ प्रिया धोंडगे, प्रदीप जाधव यांची‎ उपस्थिती होती.‎