प्रतिसाद:सोनेगाव झेडपी शाळेतील‎ विद्यार्थ्यांनी रेखाटली चित्र‎

विद्यार्थांना चित्रकलेचे ज्ञान आत्मसात व्हावे, या उद्देशाने‎ प्रजासत्ताक दिनानिमित्त १ फेब्रुवारी रोजी सोनेगाव येथील जिल्हा‎ परिषद शाळा, ग्रामपंचायत व युवकांनी पुढाकार घेऊन आयोजित‎ करण्यात आलेल्या चित्रकला स्पर्धेस विद्यार्थ्यांनी प्रतिसाद दिला.‎ विद्यार्थ्यांनी काढलेल्या चित्रातील उत्कृष्ट चित्र मुख्यमंत्री एकनाथ‎ शिंदे यांच्याकडे पोस्टद्वारे पाठवण्यात आले. दरम्यान उत्कृष्ट चित्र‎ काढलेल्या विद्यार्थ्यांना बक्षिस वितरण केले.

यासाठी युवक‎ विकास कांबळे, सरपंच व शिक्षकांनी पुढाकार घेतला.‎ आयोजित चित्रकला स्पर्धेत उत्कृष्ट चित्र काढलेल्या विद्यार्थ्यात‎ इयत्ता ६ वीतील राजश्री शिवाजी मोरे प्रथम, सपना हनुमंत गोफणे‎ द्वितीय, कल्याणी शिवाजी शिंगाडे तृतीय, ७ वीतील प्रांजली नेताजी‎ गोफणे प्रथम, शिवांजली सुनील मुंडे द्वितीय, पवन सतीश चांदणे‎ तृतीय, ८ वीतील दिव्या शरद मोरे प्रथम, रामराजे सतीश पाटोळे‎ द्वितीय, ऋतुजा सिद्धेश्वर चांदणे तृतीय क्रमांक पटकावला.

स्पर्धेत‎ ५५ विद्यार्थ्यांनी सहभाग नोंदवला होता. दरम्यान मान्यवरांच्या हस्ते‎ विद्यार्थ्यांना बक्षीस वितरण करण्यात आले. कार्यक्रमासाठी‎ मुख्याध्यापक एस. पी. पवार, वर्ग शिक्षक व्ही. बी. शिंदे, बी. एल.‎ खूने, जी. एम. सोनवणे, पी. ए. बनसोडे, पी. व्ही. तनमोर, एस. बी.‎ अनपट, यु. एस. टेकाळे, आर. जी. शिंदे आदींचे सहकार्य लाभले.‎