चाेरीचे गुन्ह्यांचा तपास:जबरी चोरी, लुटमारीच्या गुन्ह्यांची‎ उकल करण्यात पोलिसांना यश‎

कळंब तालुक्यातील येरमाळा व उपळाई‎ येथील दोन विविध चाेरीचे गुन्ह्यांचा तपास‎ लावून चोरांच्या मुसक्या आवळण्यात‎ येरमाळा पोलिसांना यश आले.‎ माहितीनुसार गेल्यावर्षी २२ जून रोजी रात्री‎ ८.१५ वाजता येडेश्वरी मंदिराहून लक्ष्मी‎ बारकुल या त्यांच्या नातेवाइकांसह‎ दुचाकीने येरमाळ्याकडे येत असता एका‎ दुचाकीवरील तीन इसमांनी दुचाकी आडवी‎ लावत दुचाकी थांबवली. चाकूने मारहान‎ करून गळ्यातील मणी मंगळसूत्र, दोन‎ कानातील व एक सोन्याचे फुल जबरीने‎ चोरून नेली होती.

दुसऱ्या घटनेत येरमाळा‎ पोलिस ठाण्याच्या हद्दीमधील जिल्हा परिषद‎ प्राथमिक शाळा उपळाई येथे लॉकडाउन व‎ मागील आठ महिन्यापूर्वी असे दोन वेळेस‎ शाळेतील एका वर्गाचे कुलूप तोडुन‎ विद्यार्थ्यांच्या अभ्यासासाठी लावलेली‎ एलइडी टिव्ही चोरुन नेली. येरमाळा पोलिस‎ पथकाने खामकरवाडी येथील अनिल ऊर्फ‎ रोडी आता काळे यास ताब्यात घेत‎ गुन्ह्यातील जबरीने चोरून नेलेले सोन्याचे‎ दागिन्यांपैकी दोन सोन्याचे डोरले व १४‎ सोन्याची दागिने असे जप्त केले. उपळाई‎ येथील अंकुश दिगंबर काळे ( २६ ) यास‎ ताब्यात घेत दोन एलएडी टिव्ही व एक‎ रिमोट असा एकूण ७२ हजार रुपयांचा‎ मुद्देमाल जप्त करुन दोघांनाही अटक केली.‎