आंदोलन:चुलीवर भाकरी भाजून ‘केंद्रा’चा निषेध‎

महागाईने सर्वसामान्य जनता‎ होरपळून निघत असताना केंद्र‎ सरकारने गॅसचे दर ५० रुपयांनी‎ वाढवून पुन्हा महागाईच्या खाईत‎ लोटल्याचे काम केले.‎ स्वयंपाकाच्या गॅसची दरवाढ रद्द‎ करण्याच्या मागणीसाठी वंचित‎ बहुजन महिला आघाडीच्या वतीने‎ सोमवारी (दि.६) जिल्हाधिकारी‎ कार्यालयासमोर चुलीवर भाकरी‎ भाजत भाकरी-ठेचा सर्वसामान्यांना‎ खाण्यासाठी देत केंद्र सरकारचा‎ निषेध करण्यात आला.‎

आमदार कैलास पाटील‎ शिवसेना (ठाकरे गट) यांच्यासह‎ धाराशिव पंचायत समितीचे माजी‎ सभापती संग्राम देशमुख व इतरांनी‎‎‎‎‎‎‎‎‎‎‎‎‎ आंदोलनस्थळी भेट देत भाकरी व‎ ठेचा खात आंदोलनास पाठिंबा‎ दिला. याबाबत आघाडीच्या वतीने‎ देण्यात आलेल्या निवेदनात म्हटले‎ आहे की, केंद्र सरकारकडून मागील‎ पाच वर्षांपासून सतत डिझेल, पेट्रोल‎ व गॅस सिलिंडरची दरवाढ सुरू‎‎‎‎‎‎‎‎‎‎‎‎‎ आहे. देश कोरोनामधून सावरत‎ असतानाच पेट्रोलचे दर वाढवले.‎ घरगुती गॅस सिलिंडरचे दर ५०‎ रूपयांनी महागले तर कमर्शियल‎ गॅस सिलिंडर ३५० रूपयांनी‎ महागला आहे.