निवेदन:खासदार इम्तियाज जलील यांच्या‎ प्रतिमेस जोडे मारून विद्रोह मोर्चा‎

छत्रपती संभाजी नगर व धाराशिव‎ नावाला विरोध करणाऱ्या व‎ आंदोलनात औरंगजेबाचे फोटो‎ लावून उदात्तीकरण करणाऱ्या‎ खासदार इम्तियाज जलील यांच्या‎ विरोधात संभाजी ब्रिगेडच्या वतीने‎ तुळजापुरात मंगळवारी (दि.१४)‎ विद्रोह मोर्चा काढण्यात आला.‎ यावेळी इम्तियाज जलील यांच्या‎ प्रतिमेला‎ तहसील कार्यालयासमोर‎ जोडे मारण्यात आले.‎ निवेदनात म्हटले आहे की,‎ सरकारने नामांतर करून त्यावर‎ शिक्कामोर्तब केले असताना विरोध‎ करण्यात येत आहे. दरम्यान, विद्रोह‎ मोर्चाच्या मध्यभागी छत्रपती‎‎‎‎‎‎‎‎‎‎‎‎‎‎‎ शिवाजी महाराजांची मूर्ती असलेला‎ रथ उपस्थितांचे लक्ष वेधून घेत‎ होता.

छत्रपती शिवाजी महाराज‎ यांच्या पुतळ्यापासून विद्रोह‎ मोर्चाला प्रारंभ झाला. भवानी रोड‎ मार्गे तुळजाभवानी मंदिर मार्गे‎ छत्रपती संभाजी महाराज उद्यानात‎ मोर्चाचा समारोप करण्यात आला.‎ यावेळी पोलिसांचा मोठ्या प्रमाणात‎ बंदोबस्त होता. मोर्चात संभाजी‎ ब्रिगेडचे जिल्हाध्यक्ष शरद पवार,‎ प्रदेश संघटक अतुल गायकवाड,‎ दिनेश जगदाळे, पुणे विभागीय‎ अध्यक्ष किरण घाडगे, सोलापूर‎ जिल्हाध्यक्ष सोमनाथ राऊत, मराठा‎ मूक मोर्चाचे राज्य समन्वयक‎ सुनील नागणे, स्वराज्य संघटनेचे‎ महेश गवळी, जीवनराजे इंगळे,‎ कुमार टोले, शिवसेना उद्धव ठाकरे‎ गटाचे तालुकाप्रमुख जगन्नाथ‎ गवळी, अर्जुन साळुंके आदींनी‎ सहभाग नोंदवला.‎