सर्वाधिक सायकलिंग‎ करण्याचा मान‎:पाचशे किमी सायकलींगचा विक्रम‎

सीए(चार्टर्ड अकाऊंटंट) महेश मिनियार यांनी सायकलींगमध्ये नवा ‎विक्रम केला आहे. त्यांनी तीन‎ दिवसात ५०० किलोमिटर‎ सायकलींग करत उस्मानाबाद ते ‎ ‎ कोकणातील गणपतीपुळे हे अंतर‎ पूर्ण केले. गेल्या ५ वर्षांपासून ते ‎सातत्याने सायकलींग करत असून, पुढच्या काळात १ हजार‎ किलोमीटरचे टार्गेट असल्याचे‎ त्यांनी सांगितले. आजवर उस्मानाबादमध्ये सर्वाधिक‎ सायकलींग करणारे मिनियार हे‎ पहिले व्यक्ती मानले जातात.‎

उस्मानाबादेत अलीकडे सायकलचा‎ वापर वाढू लागला आहे.‎ सायकलींगचे आरोग्यासाठी फायदे‎ आहेत. उस्मानाबादेत सायकलींगचे‎ नवे ग्रुप तयार होत आहेत. तीन‎ वर्षांपूर्वी तत्कालिन जिल्हाधिकारी‎ दीपा मुधोळ-मंुडे यांच्या‎ पुढाकारातून सरकारी‎‎ कार्यालयातील कर्मचारी,‎ अधिकारीही सायकलचा मोठ्या‎ प्रमाणात वापर करत होते.त्यानंतर‎ दिव्य मराठीच्या पुढाकारातून‎ सायकल रॅलीही काढण्यात आली. दररोज किमान अर्धा ते एक‎ तास सायकलींचा वापर करणारे अनेकजण‎ आहेत. त्यात सीए महेश मिनियार यांचाही‎ समावेश आहे. मिनियार यांनी ५ वर्षांपासून‎ सायकलींचा नियमित सराव सुरू केला.

ते‎ उस्मानाबाद ते तुळजापूर तर कधी तेथून औसा,‎ किंवा सोलापूर, असा प्रवास केला.मात्र,‎ एकाचवेळी ५०० किलोमिटर सायकलींग‎ करावी, अशी त्यांची दृढ इच्छा होती. त्यामुळे ते‎ २९ जानेवारी रोजी सकाळी ६ वाजता‎ गणपतीपुळेसाठी सायकलवरून मार्गस्थ झाले.‎ ३१ जानेवारीला ते गणपतीपुळे येथे पोहोचले. हे‎ अंतर ४६० किलोमिटर असले तरी त्यांनी‎ जवळच्या जयगडपर्यंत जाऊन ५००‎ किलोमिटरचा टप्पा पूर्ण केला. प्रचंड घाट,‎ वळण आणि डोंगररांगामधून असलेला हा मार्ग‎ त्यांनी दररोज साधारण १६० किलोमिटर अंतर‎ कापत पूर्ण केला आहे.‎

सातत्यपूर्ण सराव, दृढ‎ इच्छेने शक्य झाले‎
सायकलींचा सातत्यपूर्ण सराव‎ असल्यामुळे व मनात दृढ इच्छा‎ असल्यामुळे मी ५०० किलोमिटरचा‎ प्रवास करण्याचा निर्णय घेतला‎ होता. कोणत्याही गोष्टीत सातत्य‎ हवे. रोजच्या धावपळीत व्यायाम‎ हवाच. स्वत:साठी वेळ‎ दिल्याशिवाय हे शक्य नाही.‎ व्यायामासाठी जितेंद्र खंडेरिया‎ यांच्याकडून प्रेरणा मिळाली.आता‎ पुढचा टप्पा १ हजार किलोमिटरचा‎ असेल.‎ - महेश मिनियार,‎ सीए,उस्मानाबाद‎