फसवणूक:‘सन्मान’चे पैसे लाटले, चौरेला अटक‎

तालुक्यातील शेकडो शेतकऱ्यांच्या पीएम‎ सन्मान योजनेतील पैशांचा अपहार‎ करणाऱ्या अजय चौरे याच्या मुसक्या‎ आवळल्या आहेत. पोलिसांनी छापा‎ टाकून १८ लाख रुपये जप्त केले आहे.‎ शेतकऱ्यांची फसवणूक करणाऱ्या या‎ टोळीचा म्होरक्या कोण, याचा शोध‎ पोलिस घेत आहेत. पीएम किसान सन्मान‎ योजनेतील रक्कम परस्पर काढून परंडा‎ तालुक्यातील शेकडो शेतकऱ्यांची दोन‎ तरुणांनी फसवणूक केली आहे.

त्यापैकी‎ अजय चौरे याला पोलिसांनी अटक केली‎ असून त्याला चार दिवसांची पोलिस‎ कोठडी देण्यात आली आहे. याप्रकरणी‎ आरोपीने गुन्हा कबुल केल्याची माहिती‎ पोलिस निरीक्षक अमोद भुजबळ यांनी‎‎‎‎‎‎‎‎‎‎‎‎‎‎ दिली. पोलिस अधीक्षक अतुल कुलकर्णी‎ यांच्या मार्गदर्शनात पोलिस निरीक्षक‎ अमोद भुजबळ यांनी सपोनि कविता‎ मुसळे, पोकॉ मुलाणी यांच्या पथक नियुक्त‎ केले होते. पथकाने अजय चौरे याला २४‎‎‎‎‎‎‎‎‎‎‎‎‎‎ तासात केज तालुक्यातून ताब्यात घेतले.‎ चौरे याच्या घरातून १८ लाख रोख,‎ संगणक संच, विविध कंपनीचे मोबाइल व‎ सीम कार्ड, धनादेश बुक आदी कागदपत्र‎ जप्त केली आहेत.

आरोपींकडे लाभार्थी यादी कशी‎
परंडा तालुक्यातील पीएम किसान सन्मान‎ निधी लाभार्थी शेतकऱ्यांची यादी व‎ मोबाइल क्रमांक या आरोपींकडे कसे‎ आले, याचे गुढ कायम आहे. या टोळीत‎ परंडा येथील कोणाचा सहभाग आहे का?‎ तसेच बँकेचे सर्व एटीएम आरोपींकडे कसे‎ आले, यात फिनो बँकेच्या कर्मचाऱ्यांचा‎ सहभाग आहे का? या टोळीचा म्होरक्या‎ कोण आहे व त्यात किती लोकांचा सहभाग‎ आहे, याचा पोलिस तपास करताहेत.‎

चार दिवसांची पोलिस कोठडी‎
आरोपी अजय चौरे याला परंडा येथील‎ न्यायालयात हजर केले असता त्याचा चार‎ दिवसांची पोलिस कोठडी सुनावण्यात‎ आली. पोलिस निरीक्षक अमोद भुजबळ,‎ सहायक पोलिस निरीक्षक कविता मुसळे,‎ पोकॉ मुलाणी यांच्या पथकाने दोघांपैकी‎ एका आरोपीला अटक केली आहे.‎ त्यामुळे पुढील धागेदोरे लवकरच हाती‎ लागतील, असा विश्वास पोलिसांनी‎ व्यक्त केला.‎