अलंकार पूजा:शाकंभरी नवरात्र; तुळजामातेची‎ भवानी तलवार अलंकार पूजा‎‎

शाकंभरी नवरात्र महोत्सवाच्या सहाव्या ‎माळेला बुधवारी तुळजाभवानी मातेची‎ भवानी तलवार अलंकार पुजा मांडण्यात ‎ ‎आली. दिवसभरात शेकडो भाविकांनी ‎ ‎तुळजाभवानी मातेचा भवानी तलवार अलंकार रूपाचे दर्शन घेतले. रात्री, उशिरा ‎ ‎ संबळाच्या कडकडाटात छबिना मिरवणूक ‎ ‎काढण्यात आली होती.‎ सकाळच्या मानाची सिंहासन पुजेनंतर ‎तुळजाभवानी मातेला महावस्त्र अलंकार ‎ ‎घालण्यात येऊन धूपारती करण्यात आली. ‎ नंतर सहाव्या माळेनिमित्त तुळजाभवानी ‎ ‎ मातेची भवानी तलवार अलंकार पुजा ‎मांडण्यात आली.

यावेळी महंत‎ वाकोजीबुवा, महंत हमरोजी बुवा, यजमान‎ श्रीराम कुलकर्णी यांनी सपत्नीक व सह‎ सेवेकरी, मंदिर संस्थानचे अधिकारी‎ कर्मचारी उपस्थित होते. सायंकाळच्या‎ अभिषेक पूजेपर्यंत हजारो भाविकांनी‎ तुळजाभवानी मातेच्या भवानी तलवार‎ अलंकार रूपाचे दर्शन घेतले. तत्पूर्वी पहाटे‎ चरणतीर्थ पुजा होऊन मंदिर भाविकांना‎ दर्शनासाठी खुले करण्यात आले होते. तर‎ सकाळी ६ वाजता अभिषेक पूजेस प्रारंभ‎ करण्यात आला.‎

अभिषेक पूजेनंतर तुळजाभवानी मातेला‎ महावस्त्र अलंकार घालण्यात येऊन‎ धूपारती करण्यात आली. सायंकाळच्या‎ अभिषेक पूजेनंतर रात्री १० च्या सुमारास‎ तुळजाभवानी मातेचा छबिना काढण्यात‎ आला. तुळजाभवानी मातेची चांदीची मुर्ती‎ छबिना वाहनात ठेवून संबळाच्या‎ कडकडाट प्रदक्षिणा मार्गावर एक प्रदक्षिणा‎ काढण्यात आली. यावेळी यजमान‎ कुलकर्णी यांच्या सह पुजारी, सेवेकरी,‎ भाविक, मंदिर संस्थानचे अधिकारी,‎ कर्मचारी उपस्थित होते.‎

भवानी तलवार; अलंकार पूजा‎
छत्रपती शिवाजी महाराजांना‎ तुळजाभवानी मातेने धर्मरक्षणासाठी भवानी‎ तलवार देवून आशिर्वाद दिल्याची‎ आख्यायिका सांगितली जात असून या‎ निमित्त नवरात्रात भवानी तलवार अलंकार‎ महापूजा बांधण्यात येते. छत्रपती शिवाजी‎ महाराजांची भवानी मातेवर अपार श्रद्धा‎ होती तसेच जगदंब जगदंब असा‎ तुळजाभवानी मातेचा सदैव जप करत‎ असत. दोन्ही नवरात्रात तसेच शिवजयंती‎ दिनी अशी वर्षभरात तीन वेळा भवानी‎ तलवार अलंकार पुजा मांडण्यात येते.‎