वार्षिक‎ स्नेहसंमेलन:जवाहर महाविद्यालयात शेला‎ पागोटे व विविध कार्यक्रम उत्साहात‎

येथील जवाहर महाविद्यालयात वार्षिक‎ स्नेहसंमेलन व पारितोषिक वितरणासह विविध‎ कार्यक्रमांचा समारोप बुधवारी (दि.१) झाला.‎ शेले पागोटे कार्यक्रमात महाविद्यालयातील‎ विद्यार्थ्यांनी मित्र मैत्रिणींसोबत प्राध्यापक व‎ प्राचार्यांनाही घेरले.‎ कॉलेजमधील दैनंदिन ज्ञानदान, वागणूक,‎ टिंगल टवाळी, उणीवा, वेशभूषा, शरीरयष्टी,‎ वैयक्तिक लकब आदींवर शेले पागोटे टाकत‎ धमाल उडवून दिली. प्राध्यापकांनीही दाद देत‎ फिशपाँडमध्ये गाण्यावर ठेका धरला. प्रा. सलगर‎ व प्रा. राजमाने यांच्या गाण्यावर विद्यार्थ्यांनी ताल‎ धरला. बुधवारी सकाळी आनंद नगरी व‎ पारंपरिक वेशभूषेनंतर रांगोळी, मेहंदी स्पर्धा,‎ अंताक्षरी स्पर्धा झाली.

गुणवंत विद्यार्थ्यांना‎ अभिनेते राजीव पाटोदकर व अभिनेत्री विद्या‎ सावळे यांच्या हस्ते पारितोषिक देण्यात आले.‎ यावेळी पाटोदकर व सावळे यांनी चित्रपट‎ सृष्टीतील अनुभव कथन करून शिक्षणाबरोरच‎ अंगभूत कला जोपासण्याचा सल्ला दिला.‎ यावेळी प्राचार्य उमाकांत चनशेट्टी यांनी अहवाल‎ वाचन केले. कार्यक्रमाच्या अध्यक्षस्थानी सरपंच‎ रामचंद्र आलुरे होते तर सेवानिवृत्त मुख्याध्यापक‎ मारुती खोबरे, व्यंकट पाटील, मुख्याध्यापक‎ सुरेश ठोंबरे यांची उपस्थिती होती. यशस्वितेसाठी‎ उपप्राचार्य मल्लिनाथ लंगडे, प्रा. उमाकांत‎ सलगर, प्रा. सूर्यकांत आगलावे, प्रा. अनिता‎ मुदकण्णा, प्रा. मल्लिनाथ बिराजदार, प्रा. मीना‎ जाधव, प्रा. राजशेखर नळगे, प्रा. माधुरी गडसिंग,‎ प्रा. अंकुश कदम, प्रा. विवेकानंद वाहुळे, प्रा.‎ सत्येंद्र राऊत, काशीनाथ कर्पे, संतोष चौधरी,‎ दिलीप चव्हाण, महादेव काकडे, बसवंत बागडे,‎ नामदेव काळे, अमित आलुरे, दिलीप चव्हाण,‎ गणेश सर्जे व शुभांगी स्वामी यांनी परिश्रम घेतले.‎ सूत्रसंचालन प्रा. मल्लिनाथ बिराजदार तर आभार‎ प्रा. अनिता मुदकण्णा यांनी मानले.‎