विजय संपादन‎ केला:बावी सोसायटीवर शिंदे सेनेचे वर्चस्व,‎ तीन अविरोध; 10  जागांवर विजय‎

तालुक्यातील बावी येथील विविधकार्यकारी सोसायटीच्या‎ निवडणुकीत शिंदे सेनेची सरशी‎ झाली. सोसायटीच्या सर्वच जागांवर ‎ ‎ ग्रामविकास पॅनलने विजय संपादन‎ केला आहे.‎ सार्वजनिक आरोग्यमंत्री प्रा. डॉ. ‎ ‎ तानाजी सावंत यांच्या माध्यमातून ‎ ‎ बाळासाहेबांची शिवसेनेमध्ये‎ असलेले प्रशांत चेडे यांचे समर्थक‎ पंचायत समितीचे माजी सभापती‎ शामराव शिंदे यांच्या‎ मार्गदर्शनाखाली राष्ट्रवादीच्या एका‎ गटाला सोबत घेऊन सर्वपक्षीय‎ विरोधात निवडणूक लढवण्यात‎ आली होती. यामध्ये १३ पैकी‎ पॅनलचे मुक्तार तांबोळी, जयराम‎ कवडे व वसंत शिंदे हे तीन‎ संचालक बिनविरोध निवडून आले‎ होते. राहिलेल्या १० जागांसाठी‎ मतदान प्रक्रिया पार पडली. रविवारी‎ ‎ ‎ (दि.१) मतमोजणी होऊन निकाल‎ जाहीर करण्यात आला.

यामध्ये‎ बाळासाहेबांची शिवसेना समर्थक व‎ राष्ट्रवादी गट यांच्या पॅनलचे सुदर्शन‎ शिंदे, नितीन शिंदे, बळीराम शिंदे,‎ बालाजी शिंदे, अच्युत भांगे, अंकुश‎ शिंदे, रामहरी शिंदे, शोभा परमेश्वर‎ शिंदे, शितल राजेंद्र सावंत, उद्धव‎ शिंदे हे उमेदवार दहाही जागांवर‎ निवडून आले आहेत.‎ निकाल जाहीर होताच विजयी‎ उमेदवार व त्यांच्या समर्थकांनी‎ गुलालाची उधळण करत जल्लोष‎ केला. याप्रसंगी बाळासाहेबांची‎ शिवसेना पक्षाचे नेते प्रशांत चेडे‎ यांनी सर्व विजयी उमेदवारांचा‎ सत्कार केला. यावेळी माजी‎ नगराध्यक्ष नितीन चेडे, वाशी‎ नगरपंचायतीचे विरोधी पक्ष गटनेते‎ नागनाथ नाईकवाडी, पंचायत‎ समितीचे माजी उपसभापती‎ बालाजी जगताप, विष्णू शिंदे,‎ श्रीमंत शिंदे यांच्यासह समर्थक व‎ ग्रामस्थ उपस्थित होते.‎