आवाहन‎:ऊर्जा संवर्धनाबाबत जनजागृती करुन सौर ऊर्जेचा वापर करावा‎

सूर्य हा ऊर्जेचा अपारंपरिक स्रोत‎ आहे. त्यापासूनच प्रेरणा घेऊन‎ मानवाने ऊर्जेची निर्मिती केली‎ आहे. त्यामुळे ऊर्जेची बचत हेच‎ उर्जेचे संवर्धन होय. सध्या खनिज‎ तेल, नैसर्गिक वायू आदी ऊर्जा‎ संसाधने उपलब्ध आहेत.‎ काळानुरूप ऊर्जेचे स्वरूप, स्त्रोत‎ बदलत आहेत. येणाऱ्या काळामध्ये‎ संसाधनांचा गैरवापर टाळावा व‎ बचत करावी. नवनवीन पर्यावरण‎ आणि प्रदूषण विरहीत संसाधनांचा‎ वापर करावा. समाजात ऊर्जा‎ संवर्धन विषयक जनजागृती करावी.‎ जास्तीत-जास्त सौर ऊर्जेचा वापर‎ करावा, असे आवाहन ऊर्जा‎ लेखापरीक्षक केदार खमितकर यांनी‎ विद्यार्थ्यांना केले.‎

शिवाई चॅरिटेबल ट्रस्ट संचालित‎ कॉलेज ऑफ फार्मसी‎ महाविद्यालयात पेट्रोलियम संवर्धन‎ संशोधन संस्थेचे ऊर्जा‎ लेखापरीक्षक केदार खमितकर यांनी‎ शुक्रवारी (दि.३) ऊर्जा संसाधने व‎ संवर्धन विषयावर मार्गदर्शन केले.‎ केदार खमितकर म्हणाले की,‎ विद्यार्थ्यांनी स्वतःच्या घरापासूनच‎ साैर ऊर्जेच्या वापरास सुरुवात‎ करावी. तसेच इतर ऊर्जा‎ संवर्धनाचा पुढील पिढीसाठी एक‎ आदर्श स्थापित करावा. दृकश्राव्य‎ माध्यमाचा वापर करून ऊर्जा‎ संवर्धनाचा प्रचार व प्रसार करून‎ ऊर्जा संवर्धनाचे महत्त्व विविध‎ घटकांना पटवून देणे हा या‎ उपक्रमाचा भाग आहे.

ग्लोबल‎ वॉर्मिंग सारख्या जागतिक‎ स्तरावरील गंभीर समस्येला सामोरे‎ जात असताना ऊर्जेचा‎ काटकसरीने, कार्यक्षमतेने वापर‎ होणे अत्यंत गरजेचे आहे. त्यासाठी‎ ऊर्जा संवर्धनाविषयी सर्व‎ घटकांमध्ये जनजागृती होणे‎ आवश्यक आहे. यावेळी‎ विद्यार्थ्यांना उर्जा बचत आणि‎ संवर्धनाची शपथ देण्यात आली. या‎ सूचनांचे पालन करावे उर्जा‎ संवर्धनाकरिता दैनंदिन जीवनात‎ काय करणे शक्य आहे, याबाबत‎ काही सूचना देण्यात आल्या.‎

विद्यार्थ्यांना उर्जा संवर्धन, संरक्षणाची शपथ‎ केदार खमितकर यांनी विद्यार्थ्यांना मार्गदर्शन केले. केदार खमितकर यांनी‎ विद्यार्थ्यांना ऊर्जा संवर्धन व संरक्षणाची शपथ दिली. गरज नसेल तेव्हा विद्युत‎ उपकरणे आणि दिवे बंद करणे. वापरात नसेल तेव्हा विद्युत उपकरणांचे स्वीच‎ बंद ठेवणे. कॉलेज व घरात सूर्यप्रकाशाचा जास्तीत-जास्त वापर करणे.‎

घरातील आतील भिंतींना व छताला फिक्कट रंग देणे. फ्रिजमध्ये बर्फ साचू न‎ देणे. विजेच्या अती उच्च मागणी काळात म्हणजेच सकाळी सात ते ११ व‎ सायंकाळी सहा ते दहा या वेळेत मोठ्या प्रमाणावर वीज उपकरणांचा वापर‎ टाळावा आदी दैनंदिन जीवनातील ऊर्जा बचतीच्या सूचना विद्यार्थ्यांना दिल्या.‎