दिव्य मराठी विशेष:जयंतीला रंगणार "रमाईची गाणी, अनिरुद्धची वाणी''‎

जम्बुदिप बहुउद्देशीय सामाजिक संस्था, रमाई‎ फाउंडेशनच्या वतीने माता रमाई भीमराव‎ आंबेडकर यांच्या १२५ व्या जयंतीनिमित्त विविध‎ कार्यक्रमांचे आयोजन करण्यात आले आहे.‎ सोमवारी (दि. ६) सायंकाळी ५.३० वाजता‎ लेडीज क्लब येथे सुप्रसिध्द गायक, दिग्दर्शक,‎ कलाकार, निर्माते अनिरुध्द वनकर यांचा‎ प्रबोधनात्मक "रमाईची गाणी, अनिरुद्धची वाणी''‎ या कार्यक्रमाचे आयोजन करण्यात आले आहे.‎ माता रमाई यांच्या जयंतीनिमित्त शहरात‎ विविध कार्यक्रम होत आहेत. याचे मुख्य‎ आकर्षण गायक वनकर यांचा कार्यक्रमही‎ असणार आहे. कार्यक्रमाच्या अध्यक्षस्थानी‎ आमदार कैलास पाटील असतील. उद्घाटन‎ पोलिस अधीक्षक अतुल कुलकर्णी यांच्या हस्ते‎ होणार आहे. विविध क्षेत्रातील अनेक‎ मान्यवरांची यावेळी उपस्थिती असेल.

या‎ कार्यक्रमात विविध क्षेत्रामध्ये उत्कृष्ट योगदान‎ देणाऱ्यांचा व त्यांच्या मातांचा रमाई पुरस्कार‎ देवून सन्मान करण्यात येणार आहे.‎ रमाई महोत्सवाच्या कार्यक्रमात नागरिकांनी‎ सहकुटूंब हजारोंच्या संख्येने उपस्थित रहावे,‎ असे आवाहन रमाई फाउंडेशनचे संस्थापक तथा‎ माजी नगरसेवक पृथ्वीराज चिलवंत यांनी केले‎‎‎‎‎‎‎‎‎ आहे.

कार्यक्रमास मार्गदर्शन अरुण बनसोडे, यु.‎ व्ही. माने, दिलीप वाघमारे, अॅड. सुदेश माळाळे,‎ रावसाहेब शिंगाडे यांचे असणार आहे. ए. एस.‎ सरवदे, शांतीनाथ शेरखाने, सुनिल बनसोडे,‎ दिपक सरवदे, सुनिल मनोहर बनसोडे, श्रीकांत‎‎‎‎‎‎‎‎‎ माळाळे, पी. के. बनसोडे, विजय गायकवाड,‎ बाबासाहेब जानराव, सुशांत सोनवणे, मनोहर‎ नाईकवाडे, सुनिल ढगे, संपतराव शिंदे, प्रमोद‎ चव्हाण आदींचे सहाय्य असणार आहे.‎ कार्यक्रमाची जय्यत तयारी करण्यात आली.‎

उद्या दुपारी शोभायात्रा, विविध ग्रंथ, लेझीम पथकाचा असणार सहभाग‎
मंगळवारी दुपारी ३ ला माता रमाई प्रतिमेची शोभायात्रा काढण्यात येणार आहे. जम्बुदिप बुध्द‎ विहार, बौध्द नगर, येथून महामानव डॉ. बाबासाहेब आंबेडकर यांच्या पूर्णाकृती पुतळ्यापर्यंत‎ शोभायात्रा होणार आहे. यामध्ये विविध ग्रंथ, लेझीम पथक, आकर्षक सजावट असणार आहे.‎ तसेच विविध महापुरूषांची वेशभूषा केलेले विद्यार्थी सहभागी होणार आहेत. शोभायात्रेचे‎ उद्घाटन शहर पोलिस ठाण्याचे पीआय उस्मान शेख, विविध क्षेत्रातील मान्यवर करणार आहेत.