निवेदन‎:भारतीय क्रीडा प्राधिकरण प्रशिक्षण‎ केंद्र स्थापण्यासाठी साकडे‎

‎क्रीडा क्षेत्रात भरीव योगदान देण्यासह क्रीडा‎ जगतात एक वेगळे वलय प्रस्थापित करण्यासह‎ अनेक राष्ट्रीय आंतरराष्ट्रीय दर्जेदार खेळाडू‎ उस्मानाबाद जिल्ह्यात घडले आहे. त्यामुळे‎ उस्मानाबादेत भारतीय क्रीडा प्राधिकरणाचे‎ प्रशिक्षण केंद्र स्थापन करण्याची मागणी‎ जिल्ह्यातील विविध एकविध क्रीडा संघटनेच्या‎ वतीने भारतीय खो-खो महासंघाचे सहसचिव‎ चंद्रजीत जाधव यांनी निवेदनाद्वारे केंद्रीय गृह‎ राज्यमंत्री अजयकुमार मिश्रा यांच्याकडे केली.‎ दिलेल्या निवेदनात म्हटले की, मागासलेला‎ ओळख असलेल्या जिल्ह्यास खेळाडूंनी एक‎ वेगळी ओळख करून दिली.

कसल्याही‎ सोई-सुविधेविना राज्य, राष्ट्रीयच नव्हे तर‎ आंतरराष्ट्रीय स्पर्धेतील मैदानही दणाणून‎ सोडले. उस्मानाबाद जिल्ह्याचे वातावरण‎ खेळासाठी अतिशय चांगले असून साई मार्फत‎ स्पर्धा पूर्व प्रशिक्षणाची व्यवस्था करणे शक्य‎ होईल. भारतीय क्रीडा प्राधिकरणाचे नवे केंद्र‎ उस्मानाबादेत उभारल्यास जिल्ह्याच्या‎ विकासात भर पडून मागासलेपणा दूर होईल.‎

यावेळी आमदार विजयकुमार देशमुख,‎ आमदार राणाजगजितसिंह पाटील, आमदार‎ अभिमन्यू पवार, भाजप, ज्युदो व सायकलिंग‎ संघटनेचे जिल्हाध्यक्ष नितीन काळे, जिल्हा‎ धनुर्विद्या व ज्युदो संघटनेचे सचिव प्रवीण‎ गडदे, जिल्हा खो खो संघटनेचे सचिव प्रवीण‎ बागल व इतर उपस्थित होते.‎