उत्साहात‎ प्रारंभ:मैलारपूरच्या श्री खंडोबा यात्रेस प्रारंभ‎

आंध्रप्रदेश, तेलंगणा, कर्नाटक व ‎महाराष्ट्रातील लाखो भाविकांचे ‎श्रद्धास्थान मैलारपूर (नळदुर्ग)‎ येथील श्री खंडोबा यात्रेस‎ गुरूवारपासून मोठ्या उत्साहात‎ प्रारंभ झाला आहे. राज्याच्या ‎कानाकोपऱ्यातून नंदीध्वज‎ (काठ्या) मोठ्या संख्येने येण्यास ‎ सरुवात झाली आहे. विशेषत: ‎ ‎उस्मानाबाद व लातूर जिल्ह्यातून‎ काठ्या मोठ्या संख्येने दाखल होत ‎ आहेत.

मंदिरावर आकर्षक विद्युत‎ रोषणाई करून फुलांच्या माळांनी‎ मंदिर सजविण्यात आले आहे. ६‎ जानेवारी रोजी यात्रेचा मुख्य दिवस‎ ‎ ‎ ‎ आहे. ५ जानेवारीपासूनच भाविक‎ मोठ्या संख्येने मंदिर परिसरात‎ दाखल होत आहेत. ६ तारखेला‎ ७०० काठ्यांसह ५ ते ७ लाख‎ ‎भाविक दर्शनासाठी दाखल‎ होण्याची शक्यता आहे.‎ येळकोट-येळकोट जय मल्हारचा‎ जयघोष ढोल ताशांचा दणदणाट, झांजांच्या खणखणाटाने‎ मंदिर परिसर दणाणून गेला आहे. भंडाऱ्याच्या‎ उधळणीने तीर्थक्षेत्र श्री खंडोबा देवस्थान हळदीने‎ माखले आहे.

पुजा,नवस, दंडवत, भंडारा उधळण‎ यासह विविध धार्मिक कार्यक्रम पार पडत आहेत.‎ यात्रेमध्ये मौत का कुआ, घसरगुंडी, खेळणी,‎ भांडी, मिठाई आदींसह लहान मुलांच्या‎ करमणुकीची दुकाने मोठ्या दाखल झाली आहेत.‎ यात्रेसाठी नगरपालिका, पोलीस प्रशासन,‎ महावितरण विभाग, एसटी महामंडळ व मंदिर‎ समिती सज्ज झाली आहे.‎